გარი ნევილი თვლის, რომ "ჩელსისთან" გამართული მატჩი "მანჩესტერ იუნაიტედის" საუკეთესო მატჩი იყო მიმდინარე სეზონში.
"ეს იყო ძალიან კარგი მატჩი "მანჩესტერ იუნაიტედის" შესრულებით. მათ კარგად ჩაატარეს ეს შეხვედრა და შეიძლება ითქვას, რომ ეს ფრე მათთვის მოგების ტოლფასია. ეს მატჩი მათ გაცილებით მაღალ დონეზე ჩაატარეს, ვიდრე სხვა რომელიმე ამ სეზონში. "იუნაიტედმა" დიდი პრობლემები შეუქმნა გუნდს, რომელიც ცხრილის ერთპიროვნული ლიდერია." - ციტირებს გარი ნევილის სიტყვებს skysports.com.
"ჩემთვის ერთადერთი იმედგაცრუება ამ მატჩში იყო ანხელ დი მარია. ის თავის შესაძლებლობებთან შედარებით გაცილებით დაბალ დონეზე თამაშობდა. რაც შეეხება ლუკ შოუს და ადნან იანუზაის, ისინი ბევრად პროდუქტიულები იყვნენ ვიდრე გასულ ორშაბათს. "იუნაიტედი" კმაყოფილი უნდა იყოს ჩატარებული სამუშაოთი, თუმცა მოშვება არ შეიძლება, მათ წინ "სიტი" ელოდებათ."