პეტერ შმეიხელმა BBC-სთან ინტერვიუში გააზიარა თავისი შთაბეჭდილებები "იუნაიტედისა" და "ჩელსის" შორის გამართული შეხვედრის შესახებ.
"მიუხედავად იმისა, რომ "იუნაიტედმა" შეძლო ერთი ქულის მოპოვება "ჩელსისთან", მატჩმა კარგად დაგვანახა, რომ ამ ორ გუნდს შორის დიდი განსხვავებაა. დიახ, ორივე კლუბს შესანიშნავი მეკარე ყავს, თუმცა მათი დაცვის ხაზი სხვადასხვა დონისაა. მაურინიოს დაცვა - სწორედ ესაა იმის მიზეზი, რომ ახლა ლონდონელები ცხრილის სათავეში იმყოფებიან და მოშორებით არიან მოწინააღმდეგეებისგან." - გადმოგვცემს შმეიხელის სიტყვებს bbc.com.
"კვირას დე ხეამ შესანიშნავი მატჩი ჩაატარა. კარგად ჩანს, თუ როგორ ცდილობს ესპანელი წესრიგის დამყარებას საკუთარ საჯარიმოში და დაცვის ორგანიზებას. თუმცა "იუნაიტედს" ისევ არ ყავს ისეთი მცველები, რომლებთაც მყარად შეუძლიათ ფეხზე დადგომა. ჩემი აზრით როხო ცენტრალური მცველი არ არის, მისი გამოყენება უმჯობესია ფლანგზე. მის გვერდით იმყოფებოდა სმოლინგი, რომელიც ხშირად თავდაჯერებულად ვერ მოქმედებს. სწორედ ასეთი წყვილი გამოვიდა მოედანზე, რომელთაც მანამდე ერთად არასდროს არ ჰქონდათ ნათამაშები და ეს ჩემპიონატის ლიდერებთან მოხდა."
"დე ხეა ყველაზე გამორჩეული ფეხბურთელია, რომელიც ვან გაალს დაცვაში ჰყავს. ამ სეზონში მან უკვე შესძლო რამდენიმე საოცარი სეივის შესრულება და კარგად ჩანს თუ რამხელა ნაბიჯი გადადგა მან ინგლისში გადმოსვლის შემდეგ."