"ყველამ მის მხარეს გაიხედა პირღია და თვალებდაჭყეტით. პიცის ნაჭერი მის ცნობილ წითელ სახეზე ჩამოცურდა და გზა შავი კოსტიუმისკენ გაიკვლია."

ეშლი კოულის ავტობიოგრაფიის ეს ნაწილი შესაძლოა ზღაპრად მოგეჩვენოთ, რომელსაც სკოლაში შესვენებაზე ყვებიან.

სინამდვილეში კი ეს არის კადრი "ოლდ ტრაფორდის" გვირაბიდან, რომელიც "მანჩესტერ იუნაიტედის" "არსენალზე" გამარჯვებას მოჰყა 2004 წლის 24 ოქტომბერს. "მანჩესტერ იუნაიტედმა" "არსენალის" 49 მატჩიანი წაუგებელი სერია დაასრულა.

"ოლდ ტრაფორდის" გვირაბში კლუბის წარმომადგენლებსა და მოთამაშეებს შორის შეხლა-შემოხლის დროს "იუნაიტედის" მწვრთნელი პიცის ნაჭერმა განგმირა, რომელიც "არსენალის" ფეხბურთელმა ესროლა. მოგვიანებით გაჩნდა ინფორმაცია, რომ ეს სესკ ფაბრეგასი იყო.

"საკვებით ბრძოლის" შესახებ უფრო ზუსტი ცნობების მოპოვება შეუძლებელი გახდა, თუმცა ზოგიერთი ტაბლოიდის მტკიცებით სუპი და სენდვიჩი მოწინააღმდეგე გუნდის ფეხბურთელების მთავარი საბრძოლო იარაღი იყო.

ამ შემთხვევიდან უკვე 10 წელიწადი გავიდა.





"მანჩესტერ იუნაიტედსა" და "არსენალს" შორის დაპირისპირება ინგლისურ ფეხბურთში ყველაზე რთულ მატჩად ითვლებოდა.

ორივე მათგანის შედეგებს თუ შევადარებთ ეს გუნდები 9 წლის განმავლობაში იგებდნენ პრემიერ-ლიგას (1995/96 წლების სეზონიდან 2003/04 წლების სეზონამდე "იუნაიტედმა" პრემიერ ლიგა 6 ჯერ მოიგო, ხოლო არსენალმა 3-ჯერ) და ყოველი მომდევნო ურთიერთშეხვედრა მტკივნეული გამოდიოდა.

2004 წლის ოქტომბრის დაპირისპირებას მოგვიანებით "ოლდ ტრაფორდზე" ბრძოლა. ნაწილი 2"-ს დაარქმევენ.

ეს ყველაფერი კი 2003 წლის შეხვედრის მიწურულუს რუუდ ვან ნისტელროის მიერ ვერ გამოყენებულ პენალტს და "არსენალის" ფეხბურთელების აგრესიულ რეაქციას მოჰყვა.

სერ ალექსი განმეორებითი შეხვედრის ჩატარებას მოითხოვდა: "მათ დანაშაულის ადგილიდან მიმალვა მოასწრეს. ის, რაც "არსენალის" ფეხბურთელებმა გააკეთეს, ყველაზე საშინელი რამ იყო, რაც ფეხბურთში მინახავს."


ვენგერის პასური: "იქნებ კედელთან დავეყენებინეთ და დავეცხრილეთ? იმედი მაქვს დამშვიდდება."

თუმცა, მოდით 2004 წლის ოქტომბერს დავუბრუნდეთ.



უეინ რუნი: "არსენალი" მთელი კვირის განმავლობაში იმას ამბობდა, თუ რამდენად სასიამოვნო იქნებოდა 50 მატჩიანი წაუგებელი სერიის "ოლდ ტრაფორდზე" მიღწევა. ეს დიდი შეცდომა იყო. ისინი მხოლოდ ჩვენ მომართვას უწყობდნენ ხელს. 50 თამაში? არავითარ შემთხვევაში. ოღონდ ჩვენ მიწაზე არა.

ფილ ნევილი: "ამას 12 თვეს ვითმენდით, რადგან რაც 2003 წელს მოხდა აბსოლუტურად შემაძრწუნებელი იყო. ის ხალხი რომ მახსენდება, რომელიც რუდის ირგვლივ დახტოდა! ამის შემდეგ თითოეულ ჩვენ შეხვედრაში დაუჯერებელი დაძაბულობა სუფევდა. ძალიან მონდომებულად ვთამაშობდით. ეს ნაკლებად ჰგავდა ომს, უფრო ორი მძიმეწონოსანის დაპირისპირება იყო, რომლებიც რინგზე ხვდებიან ერთმანეთს. დანებებას არავინ აპირებდა.



შეტაკება აბსოლუტურად უკომპრომისო, სასტიკი და მრისხანე გამოდგა. მატჩის ბედი შესაძლო იყო რამდენიმე საკამათო ინციდენტს გადაეწყვიტა.

ძმები ნევილები "არსენალის" ვინგერის, ხოსე-ანტონიო რეისის წინააღმდეგ ჯარიმის გამო დაისაჯნენ, ხოლო "მეთოფეები" "იუნაიტედის" ვინგერის, კრიშტიანუ რონალდუს წინააღმდეგ. მსაჯმა, მაიკლ რაილიმ ვერ შეამჩნია ვან ნისტელროის მიერ კოულისთვის ბუცის ჩარტყმა, მაიკლმა არც ფერდინანდი დასაჯა ფრედი ლიუნგბერგზე წესების დარღვევის გამო.

73-ე წუთზე რაილიმ საკამათო პენალტი დადო, როცა სოლ კემპბელი უეინ რუნის ჩაუვარდა ფეხებში. რუუდ ვან ნისტელროიმ წინა წლიდან მოყოლებული დემონების განდევნის მოლოდინში პენალტი მარჯვენა კუთხეში დაარტყა და ანგარიში გახსნა. რამდენიმე წუთში უეინ რუნიმ საკუთარ თავს მე-19 დაბადების დღეზე მარჯვენა ფლანგიდან ალან სმიტის ჩაწოდების შემდეგ საჩუქარი გაუკეთა.



ფილ ნევილი: "ნადვილად ვიცოდით "არსენალის" დამარცხების საშუალება. ვიცოდით როგორ უნდა გამოგვეყვანა მწყობრიდან. ჩვენ ზეწოლას ვახდენდით რეიესზე, ანრისა და პირესზე. ვიცოდით, რომ ეს მათი ყველაზე ნიჭიერი ფეხბურთელები იყვნენ. მოთამაშეები, რომლებიც მთელ თამაშს წარმართავენ და თუ მათზე ზეწოლას განვახორციელებთ, ადვილად გავიმარჯვებთ."

რეიესი: "მთელი ჩემი სპორტული კარიერის განმავლობაში არც ერთხელ არ მიმიღია იმდენი დარტყმა, რამდენიც იმ საღამოს მანჩესტერში. ეს ჩემი ყველაზე რთული შეხვედრა გამოდგა."

ვენგერი: "მატჩს რაილი განაგებდა. ვიცოდით, რა შეიძლებოდა მომხდარიყო "ოლდ ტრაფორდზე" ჩვენ გაგვქურდეს. რუნიმაც კი აღიარა, რომ იქ პენალტის არავითარი მიზეზი არ იყო. ჩვენ შეგვიძლია საკუთარ სამუშაოს თავი გავართვათ, მაგრამ ვერაფერს მოვუხერხებთ მსაჯს. ჩვენ ვიცნობთ რუუდს, მას მხოლოდ მოტყუება შეუძლია იმ ხალხის, ვინც არ იცნობს.



გვირაბში მომხდარი სკანდალის ნადმვილი მიზეზი არავინ იცის, მაგრამ ბევრს მიაჩნია, რომ ეს რუუდსა და ვენგერს შორის გამეფებული უსიამოვნება იყო.

სერ ალექს ფერგიუსონი: "რუდ ვან ნისტელროი ჩემთან გასახდელში შემოვიდა და მითხრა, რომ ვენგერი მის დაჭერას ცდილობდა, როცა რუდი მოედანს ტოვებდა. მაშინვე მივვარდი ვენგერს და ვუთხარი: "შენ, არ გაბედო ჩემი ფეხბურთელებისთვის ხელის ხლება, თავი დაანებე." წაგების გამო ძალიან გაბრაზებული იყო. ვუთხარი, რომ უმჯობესია თავის მოთამაშეებს მიხედოს. არსენი სიკვდილივით უფერული იყო. მისი მუშტები შეკრული დამხვდა, მაგრამ თავს ვაკონტროლებდი. ეს კარგად მეხერხება."



კოული: "იმ მომენტისთვის მოძრავ გვირაბში შევდიოდით და ერთმანეთის გვერდით უნდა ჩაგვევლო. მესმოდა შეძახილები "თქვენ იტყუებით" და მოთამაშეები მაღლა ხელის კვრით წავიდნენ. სადღაც შუაში გავიჭედე. მესმოდა, როგორ ცდილობდა ბოსი, არსენ ვენგერი თავისი ფრანგულით შოტლანდიელის შევიწროვებას."

ფილ ნევილი: "გასახდელში ვიყავი და მომესმა, რომ გარეთ ხმაური იყო. არსენი მარცხნივ იდგა, ჩვენ კი მარჯვნივ."

სერ ალექს ფერგიუსონი: "მომდევნო, რაც მახსოვს - ეს არის პიცის ნაჭერი, რომელიც ჩემკენ მოფრინავდა. ყოველი მატჩის შემდეგ საჭმელს სტუმრების გასახდელში ვტოვებთ. პიცას, ქათამს. კლუბების უმრავლესობა ასე არ იქცევა. "არსენალს" საუკეთესო საჭმელი ჰქონდა. მათ მითხრეს, რომ ეს სესკ ფაბრეგასი იყო. მან მესროლა პიცა."

კოული: "პიცის ნაჭერი ჩემ თავს ზემოთ გაფრინდა და პირდაპირ ფერგის სახეზე დაეცა. ექო გვირაბის მთელ სივრცეზე გაისმა და ჩხუბი ყველამ შეწყვიტა. დრო გაჩერდა. ყველა მისკენ იყურებოდა პირის დაღებითა და თვალების დაჭყეტით. პიცის ნაჭერი მის ცნობილ წითელ სახეზე ჩამოცურდა და გზა შავი კოსტიუმისკენ გაიკვლია. მეგონა, რომ ფერგიუსონი აფეთქდებოდა, მაგრამ იგი გასახდელში წავიდა და გზად საყელოდან ნამცეცებს იბერტყავდა. ჩვენ კი საკუთარ გასახდელში შევედით. ყველაფერი, რისი თქმაც შემიძლია: დამნაშავე არც ფრანგი იყო და არც ინგლისელი.

ფილ ნევილი: "სერ ალექსი გასახდელში პიჯაკზე ნამცეცებით დაბრუნდა. რატომ უნდა ისროლო პიცა? კაცები მუშტებს უნდა იქნევდნენ და არა პიცის ნაჭრებს. არამგონია სერ ალექსისთვის მორტყმის სურვილი ჰქონოდათ. გვირაბი 1 მეტრის სიფართოვის იყო და იქ 22 მოთამაშე იდგა. სხვა ვინმეს უნდა მოხვედროდა."

როი კინი, რომელმაც მატჩი ავადმყოფობის გამო გამოტოვა: "მოგვიანებით ძალიან ვწუხდი, რომ მთელი მატჩი და საბრძოლო მოქმედებები გამოვტოვე. მატჩსაც კი არ ვესწრებოდი."


რუდ ვან ნისტელროის სამ მატჩიანი დისკვალიფიკაცი მისცეს. ვენგერს კი ჰოლანდიელი ფეხბურთელის შეურაცხყოფისთვის 15 ათასი ფუნტის გადახდა დაევალა. მისი გუნდი საფეხბურთო ასოციაციის სხდომაზე მიიწვიეს, რათა მსგავსი რამ თავიდან აერიდებინათ.

ჟოზე მოურინიომ პრემიერ-ლიგა მოიგო. "არსენალმა" კი მატჩის შემდგომ პენალტების სერიაში ინგლისის თასი აღმართა.



სერ ალექსი წერს: "ეს იყო დღე, როცა ჩვენ შორის უფსკრული გაჩნდა და ეს ეხება არა მარტო ვენგერს. დაძაბული ურთიერთობა ვენგერის ასისტენტებსაც შეეხოთ, რომლებიც ჩემთან ერთი ჭიქა ღვინის დასალევად აღარ მოდიოდნენ. ეს 2009 წლის ჩემპიონთა ლიგის ნახევარფინალამდე გაგრძელდა, როცა ვენგერმა გამარჯვების მოსალოცად თავისთან მიგვიწვია. რამდენიმე დღეში "ოლდ ტრაფორდზე" ვთამაშობდით და არსენმა თავის დამხმარეებთან ერთად რამდენიმე წუთით შემოიხედა ჩემთან."

7 წლის შემდეგ, BBC Radio 5 -თან სატელეფონო საუბარში "არსენალის" მცველმა, მარტინ კიოუნმა განაცხადა, რომ ეს სესკ ფაბრეგასი იყო:

წყარო: carrick.ru