"მანჩესტერ იუნაიტედის" მარცხენა მცველი, ლუკ შოუ აცხადებს, რომ უეინ რუნის დაბრუნებას მოუთმენლად ელოდება.

"იუნაიტედის" კაპიტანმა "ვესტ ჰემთან" მიღებული წითელი ბარათის გამო სამი შეხვედრა გამოტოვა, რომელთაგან ერთ-ერთი "ჩელსისთან" დაპირისპირება გახლდათ.

სწორედ ამ მატჩის შემდეგ ამოიწურა რუნის დისკვალიფიკაცია და მას საშუალება ეძლევა "სიტისთან" მატჩში ითამაშოს.

"ლურჯებთან" შეხვედრაში "იუნაიტედმა" 1 ქულა რობინ ვან პერსის მიერ შეხვედრის უკანასკნელ წუთზე გადატინილი გოლის წყალობით მოახერხა.

"რობინის გამო ძალიან მიხარია. ის ვარჯიშებზე და მატჩებში ძალიან ბევრს მუშაობს."

"მას რამდენიმე მომენტი ჰქონდა, მაგრამ იღბალი მის მხარეზე არ იყო. ვამაყობ, რომ გოლის გატანა მოახერხა და ეს მხოლოდ დასაწყისი იქნება."

"რუნის დაბრუნება ჩვენთვის დიდი ბიძგი იქნება. ვფიქრობ, ისიც სწორედ ამას ელოდება."

"რუნის ხომ იცნობთ, მას არ უყვარს თამაშგარე ყოფნა და ეს არაერთხელ უთქვამს."

"მის დაბრუნებას მოუთმენლად ველოდები."

წყარო: M.E.N.