"მანჩესტერ სიტის" თავდამსხმელი, სერხიო აგუერო გამოტყდა, რომ ქუჩაში "მანჩესტერ იუნაიტედის" ფეხბურთელებთან შეხვედრას თავს არიდებს.

აგუეროს თქმით, რომელმაც მცირე ხნის წინ საკუთარი ავტობიოგრაფიული წიგნი გამოსცა, იგი ქუჩაში გამოსვლას არ ერიდება, თუმცა "წითელ ეშმაკებთან" შეხვედრა არ სიამოვნებს.

"მანჩესტერი საცხოვრებლად ძალიან მშვიდი და წყნარი ადგილია. შეგიძლია ქალაქის ქუჩებში უპრობლემოდ ისეირნო. მაგალითად, მადრიდსა და არგენტინაში, სადაც მიცხოვრია ყველაფერი სხვაგვარადაა."

"პირველად როცა მოვხვდი აქ, ვერავინ მცნობდა და ქუჩაში მშვიდად დავდიოდი. თუ ქუჩაში კეპით გამოვიდოდი, თითქმის ვერავინ ხვდებოდა ვინ ვიყავი."

"შესაძლოა ჩემ მიერ გატანილი გოლების შემდეგ უფრო მცნობენ, მაგრამ ვიმეორებ, რესტორანში მშვიდად შესვლა შემიძლია. ადგილობრივი მოსახლეობა პატივისცემით ეპყრობა ფეხბურთელებს და დისტანციას იჭერს."

"Alderley Edge-ის მახლობლად ვცხოვრობ და აქ რამდენიმე სხვა ფეხბურთელიც ცხოვრობს. მაგრამ თუ "იუნაიტედის" ფეხბურთელებს ვხედავ, ვცდილობ თავი ავარიდო მათ და ისე მოვიქცე, თითქოს არაფერი დამინახავს." - წერს აგუერო თავის წიგნში.

წყარო: fapl.ru