ლუკ შოუ მიიჩნევს, რომ "მანჩესტერ იუნაიტედისა" და "ჩელსის" მატჩში დავიდ დე ხეამ და ტიბო კურტუამ თავიანთი მაღალი ოსტატობა დაამტკიცეს.

"წითლების" მარცხენა მცველი თავისი გუნდის მეკარის სეივით მოხიბლული დარჩა, როცა დავიდმა ედენ აზარს აუღო საოცარი ბურთი. დე ხეას გარდა კარგად ითამაშა კურტუამაც, რომელმაც გოლამდე რობინ ვან პერსის ორჯერ, ხოლო მარუან ფელაინის ერთხელ აუღო ახლო მანძილიდან დარტყმული.

დე ხეა და კურტუა თავის სიძლიერეს "ატლეტიკო მადრიდში" ამტკიცებდნენ და კიდევ ერთხელ აჩვენეს, თუ რატომ ითვლებიან მსოფლიო-კლასის ერთ-ერთ საუკეთესო ახალგაზრდა მეკარეებად.

"მათ გოლამდე დავიდის სეივს თუ ნახავთ, ვფიქრობ ეს მსოფლიო კლასის თამაში იყო და საერთოდ, რასაც იგი ბოლო რამდენიმე კვირის განმავლობაში აკეთებს იმას ნიშნავს, რომ საოცარ ფორმას უბრუნდება."

"ვიცით კურტუა რასაც აკეთებდა ბოლო 6 თვის განმავლობაში და არა მარტო "ჩელსიში", არამედ მანამდე "ატლეტიკოშიც", ასე რომ, ეს ბრწყინვალე შენაძენია მათთვის."

"უამრავი შანსი გვქონდა და "ჩელსის" გოლის არ გაშვება მისი დამსახურებაა. რობინს ჰქონდა რამდენიმე მომენტი და ვფიქრობ კარგი დარტყმის შემთვევაში ადნანსაც ექნებოდა."

შოუ "ოლდ ტრაფორდის" არმოსფერომ მოხბილა.

"ეს არის გრძნობა, რომელიც მანამდე არასდროს განმიცდია. მთელი სტადიონი ადგა და ყველა ხედავთ, თუ რამდენად მნიშვნელოვანია ეს ჩვენთვის. ერთმანეთს ვახტებოდით."

"შესვენებაზე ვისაუბრეთ და ვიცოდით, რომ მომენტების გამოყენების შემთხვევაში სამი ქულის აღება შეგვეძლო. იქნებ მათი გოლის დროს უკეთ უნდა გვემოქმედა. მაგრამ ეს ხომ ფეხბურთია."

წყარო: manutd.com