ხასიათი

გასულ სეზონში, როდესაც "მანჩესტერ იუნაიტედი" უშვებდა პირველ გოლს, მაქსიმუმი რაც მათ შეეძლოთ იყო 82 ჩაწოდების განხორციელება ერთ მატჩში. ვან გაალის გუნდი ბევრად ძლიერია. ეს "იუნაიტედი" დარტყმებს უმკლავდება. ამ გუნდს სჯერა საკუთარი თავის. წითლები "ხურდას არ იტოვებენ" და სამაგიეროს უხდიან.

ზედიზედ ორი მატჩია, გუნდი არ ნებდება და გააქვს გოლი "ფერგის დროში".

როხოს შეცდომები



მარკოს როხო ცნობილია თავისი უნივერსალობით, მას დაცვის ხაზში რამდენიმე პოზიციაზე შეუძლია თამაში, თუმცა საუკეთესო თამაში მაინც მარცხენა მცველის ამპულაში აჩვენა. ცენტრალური მცველის პოზიციაზე "იუნაიტედის" არგენტინელი ფეხბურთელი საკმაოდ ხშირად ცდება. შედაგად "ჩელსისთან" გამართულ შეხვედრაში, სტუმრებმა კომბინაციური თამაშით მხოლოდ ერთხელ შექმნეს ხიფათი, დანარჩენ შემთხვევებში კი მათ მარკოსი დაეხმარა.

ჭორები ვრცელდება რონ ვლაარის "იუნაიტედში" შესაძლო გადასვლაზე.

ბლინდი - "იუნაიტედის" შეტევების საწყისი



ჟოზე მოურინიო არ არის მაღალი პრესინგის მოყვარული, ამიტომ მისი გაწვრთნილი გუდნები ძლიერი ნახევარდაცვით მეტოქეს მოედნის ცენტრში ხვდებიან და იქ უწევენ წინააღმდეგობას. ამის გამო ბლინდს საკვირაო შეხვედრაში დიდი და რთული სამუშაო არ ჰქონია, მაგრამ უნდა აღინიშნოს, რომ დღევანდელ "იუნაიტედში" თუ კი მოიძებნება ვინმე, ვინც გუნდისთვის შეუცვლელია, ეს ბლინდია. რუნის შეცვლა მატა შუძლია, მატას ერერა შეცვლის, ერარას - ფელაინი, ფალკაოს - ვან პერსი, ვან პერსის - უილსონი და ა.შ. მაგრამ დეილის სრულფასოვანი შემცვლელი, რომელიც ცენტრალური მცვეების ზონაში ჩავა მათ დასახმარებლად და ასევე წამოიწყებს შეტევებს, არ მოიძებნება.

კერიკს სწორედ ამიტომ უჭირს დაბრუნება და არა იმიტომ, რომ მას ბევრი გაუცდა ან არაა ფორმაში, უბრალოდ ბლინდი შესანიშნავ თამაშს აჩვენებს

ვან გაალი სიტყვის კაცია



მაშინ როცა "იუნაიტედმა" უელბეკი გაყიდა, გავარდა ხმები, თითქოს წითლებმა თავიანთ სტილს უღალატეს და ჩვეული გზიდან გადაუხვიეს, მაგრამ სულ ცოტა ხანში 7 მოთამაშეს მიეცა შანსი, რომლებიც სარეზერვო გუნდში თამაშობდნენ, ძირითად გუნდში ევარჯიშათ და ეთამაშათ.

უმნიშვნელოვანეს მატჩი "ჩელსის" წინააღმდეგ, სასტარტო შემადგენლობაში კი ვხედავთ 19 წლის ადნან იანუზაის, რომელსაც არცთუ ისე კარგი სეზონი აქვს. ყველაფერი ამით არ დამთავრებულა, შეხვერის 67-ე წუთზე მოედანზე შემოდის 18 წლის ჯეიმს უილსონი, რომელმაც პარასკევს სარეზერვო გუნდთან ერთად ითამაშა. აი ეს არის "იუნაიტედი" და მას არსად გადაუხვევია.

ფელაინი საკუთარ თავს პოულობს



გასული სეზონის ყველაზე გაკრიტიკებადი მოთამაშე, ბევრის აზრით "იუნაიტედის" ისტორიაში ყველაზე ცუდი ტრანსფერი - ეს მარუან ფელაინია. მას კიცხავდნენ: ცუდი თამაშის, ცუდი ფორმის და თავდაჯერებულობის არ ქონის გამო. ექსპერტთა აზრით ბელგიელი აუცილებლად დატოვებდა გუნდს ზაფხულში, მას შემდეგ რაც ვან გაალი შეუდგებოდა საქმეს.

9 ტურის შემდეგ კი ყველაფერი ისე არაა, როგორც ერთი შეხედვით ჩანდა. ფელაინი, რომელიც მისთვის ბევრად კომფორტულ პოზიციაზე დააყენეს, საკმაოდ კარგ ფეხბურთს აჩვენებს. მეტიც, ზედიზედ ორი მატჩია ერთ-ერთი საუკეთესოა მინდორზე.

წყარო: carrick.ru