გუშინ "იუნაიტედს" რთული თამაში ჰქონდა. უკაპიტნოდ დარჩენილი წითელი არმია ლურჯ არისტოკრატებს უნდა დაჯახებოდა საკუთარ კედლებში. სწორედ "ოლდ ტრაფორდის" იმედით და რწმენით გავიდნენ "ეშმაკუნები" სტადიონზე. მეორე ტაიმში დროგბამ "წითლების" კარი დალაშქრა და ამის შემდეგ, უცვლელი ანგარიშით მიმდინარეობდა თამაში 94–ე წუთამდე. 94-ე წუთზე, რობინ ვან პერსიმ გოლის გატანა მოახერხა. "ფერგის დროში" გატანილი ბურთი გამახარებელი და ამაღელვებელი აღმოჩნდა როგორც გულშემატკივართათვის, ისე ფეხბურთელებისთვის. ემოციები მათ სოციალურ ქსელში გამოხატეს:
ბლინდი: "დღეს, როგორც ყოველთვის ატმოსფერო საოცარი გახლდათ. არსებობდა შანსები, რომლის გამოყენებითაც ჩვენ მოგება შეგვეძლო, მაგრამ ბედნიერი ვარ რობინის ბოლო წუთზე გატანილი გოლით. ჩვენ გავაგრძელებთ მუშაობას და ვარჯიშს მომავალი თამაშებისთვის".
ფელაინი: "ჩვენ დღევანდელ თამაშში ბევრი ვიმუშავეთ. კარგია ქულის აღება. ახლა კი ყურადღება შემდეგ დიდებულ თამაშზე უნდა გადავიტანოთ... "მანჩესტერული" დერბი."
პერსი: "საოცარი ატმოსფერო სუფევდა "ოცნების თეატრშიც" და მის ირგვლივაც. უღრმეს მადლობას გიხდით ასეთი მხარდაჭერისთვის. ფეხბურთის ერთ–ერთი დიდებული თამაში. ერთი სული მაქვს როდის დადგება შემდეგი თამაში".
როხო: "რთული თამაში, დიდებული ძალისხმევა".
რუნი: "კარგია, რომ ქულა მოვიპოვეთ ამ რთულ თამაშში. დიდებული, ვარჯიშებით დატვირთული კვირა გველის დერბის წინ!"
დე ხეა: "მადლობას ვუხდი "ოლდ ტრაფორდს", რადგან ყოველთვის ბოლომდე გვიდგას მხარში. ეს გუნდი არასდროს ნებდება!"
სიახლეები
9 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.