რადამელ ფალკაო სულ მალე დაბრუნდება, მისი ტრავმა არც თუ სერიოზული აღმოჩნდა, თუმცა მაინც მოუწია "ჩელსისთან" შეხვედრის გამოტოვება.
კოლუმბიელ თავდამსხმელს ვარჯიშის დროს ფეხებში მოხვდა და ტკივილი იგრძნო, ამიტომ ლუი ვან გაალი იძულებული გახდა მის გარეშე გასულიყო მოედანზე ლონდონელების წინააღმდეგ.
"ფალკაომ დარტყმა მიიღო ფეხში ხუთშაბათს და ამის გამო ვერ შეძლო თამაში."- განუცხადა ვან გაალმა MUTV-ის. "ჩვენ უნდა მოვიცადოთ და დავაკვირდეთ მას, მაგრამ არ ვფიქრობ რომ ტრამვა სერიოზულია. დღევანდელი მატჩი უბრალოდ ძალიან ადრე იყო მისთვის."
ჰოლანდიელმა დაამატა: "ფილ ჯონსს აქვს წვივის კუნთების დაჭიმულობა, ამიტომ ჩვენ უნდა მოვიცადოთ და შევხედოთ, ეს არ არის ადვილად მოშუშებადი ტრავმა."