ანხელ დი მარია აცხადებს, რომ იგი საერთოდ არ ნანობს "რეალის" დატოვებას "იუნაიტედის" გამო - წერს დინ ჯონსი (ბრიტანელი ჟურნალისტი). ამასთან კარლო ანჩელოტი გადაჭრით ამბობს, რომ ესპანური გუნდი იძულებული გახდა გაეყიდა არგენტინელი ვარსკვლავი, რადგან ისინი ვერ შეთანხმდნენ ხელფასზე.
დი მარია ახლა 200,000 იღებს კვირაში და აღნიშნავს, რომ ის უბედნიერესი ადამიანია, რადგან დატოვა "სანტიაგო ბერნაბეუ".
"მე ძალიან ბედნიერი ვარ ჩემი გადაწყვეტილებით. რთულია, ეს გრძნობა სიტყვებით აღწერო. მე ძალიან მიხარია აქ ყოფნა, ყოველთვის მსურდა ამ მაისურით თამაში.
ასევე ძალიან სასიამოვნოა ის ფაქტი, რომ მე ახალი 7-ანი ვარ. ეს ნომერი უდიდეს ფეხბურთელებს ეკუთვნოდათ წარსულში და ეს ჩემთის დიდი პატივია.
ვგრძნობ, რომ ხალხი ჩემით კმაყოფილია, ამიტომ მე უნდა გავამართლო ეს ნომერი. "
დი მარია მართლაც დიდი ძალა გახდა "იუნაიტედისთვის", მაგრამ წითლები მაინც ვერ აჩვენებენ სასურველ თამაშს. "ფოქს სპორტთან" ინტერვიუში ანხელმა განაცხადა:
"ჩვენ გვყავს მაღალი დონის ფეხბურთელები და გვაქვს იმის რესურსი, რომ გუნდი დავაბრუნოთ იქ სადაც ისინი 2-3 სეზონის წინ იყვნენ.
ჩვენ ვაჩვენეთ, რომ ვპროგრესირებთ და ვვითარდებით სწორი გზით. ჩვენ უნდა გავიცნოთ ერთმანეთი ახლოს და შევთამაშდეთ, რადგან ძალიან ბევრი ახალი სახეა გუნდში. მაგრამ ჩვენ ვადგავართ სწორ გზას და დარწმუნებული ვარ ვიბრძოლებთ ტიტულისთვის.
მე აქ მოვედი ტიტულების მოსაგებად და იმისთვის რომ "მანჩესტერ იუნაიტედს" დავეხმარო დაბრუნდეს იქ სადაც მისი ადგილია."