ლუი ვან გაალს მიაჩნია, რომ "მანჩესტერ იუნაიტედმა" "ჩელსის" დამარცხების შანსი გაუშვა ხელიდან.
"მატჩის შემდგომ მოთამაშეებს ვუთხარი, რომ მოგება შეგვეძლო, მაგრამ ეს სპორტში არ ითვლება. უამრავი მომენტი შევქმენით, მაგრამ მათი დასრულება უნდა მოგვეხერხებინა. "ჩელსის" მეორე ტაიმში ერთი მომენტი ჰქონდა, რის შემდეგ თამაშს 10 წუთით გამოვეთიშეთ. მიხარია, რომ სათანადო რეაგირება მოვახდიენთ."
"ნეგატიური შედეგი კიდევ ერთხელ გარდავსახეთ პოზიტიურ შედეგში, როგორც ეს "ვესტ ბრომთან" მატჩში გავაკეთეთ. გუნდის სულისკვეთებით კმაყოფილი ვარ, მაგრამ ერთადერთი უკმარისობა ის დამრჩა, რომ "ჩელსის" დამარცხება შეგვეძლო. "ჩელსი" ლიგის საუკეთესო გუნდია, მაგრამ ჯერ უამრავი შეხვედრაა წინ. შანსი ჯერ კიდევ გვაქვს, თუმცა მაინც მგონია, რომ მატჩის მოგება შეგვეძლო."
"ვიწინასწარმეტყველე, რომ "ჩელსის" შესვენების შემდეგ შეეძლო გოლის გატანა, რადგან კუთხურებს ადვილად ვთმობდით. შესვენებაზე ვთქვი, რომ "ჩელსის" მხოლოდ სტანდარტულიდან შეეძლო გოლის გატანა და ამას მეორედ აღარ ვიტყვი, რადგან წინასწარმტყველება ახდა."
"არ მინდა ფეხბურთელებზე ინდივიდუალურად ვისაუბრო. ბედნიერი ვარ, რომ ვან პერსიმ გაიტანა, რადგან ეს მისთვისაც და კლუბისთვისაც საჭირო იყო. მაგრამ არ მომეწონა, რომ მაისური გაიხადა, ყვითელი ბარათი კარგი არ არის."