ლუი ვან გაალმა აღნიშნა, რომ საკვირაო შეხვედრაში გამარჯვება შესაძლოა ახალი ერის დასაწყისი იყოს "მანჩსტერ იუნაიტედისთვის".
წითლების თამაშში ნამდვილად შეინიშნება გამოსწორება და ის რომ ფეხბურთელები ნელ-ნელა ეჩვევიან ლუი ვან გაალის ფილოსოფიას და სწორედ "ჩელსისთან" ჩაბარებული გამოცდა დაადასტურებს ჩვენ სიტყვებს. პრემიერ ლიგის ლიდერი "ჩელსი" დღეს-დღეობით ყველაზე რთული მეტოქეა "იუნაიტედისთვის".
MUTV-ის კითხვაზე, შეცვლის თუ არა დღევანდელ შეხვედრაში გამარჯვება სეზონის მიმდინარეობას, ვან გაალმა ასეთი პასუხი გასცა: "დიახ, მე ასე ვფიქრობ, მე ეს ფეხბურთელებსაც ვუთხარი, რადგან ბევრჯერ მქონია ასეთი შემთხვევა კარიერის განმავლობაში.
როდესაც შენ კარგ შედეგს მიაღწევ ასეთ დიდ მატჩებში, ეს გაძლევს უდიდეს სტიმულს ასევე გააგრძელო. მე ბევრი ასეთი მომენტი მქონია და "ჩელსისთან" მატჩიც ერთ-ერთი მათგანი გახდება."
ჟურნალისტებმა აღნიშნეს, რომ თუ, წითლები, "ვესტ ბრომთან" დაშვებულ შეცდომებს გაიმეორებენ, ისინი ისევ იქნებიან დასჯილები, ამჯერად უკვე ლურჯების მიერ.
"რა თქმა უნდა. უმეტეს შემთხვევებში როცა ჩვენ დავმარცხდით ან გავუშვით გოლი ეს ინდივიდუალური შეცდომების გამო მოხდა და შეცდომებს სხვა და სხვა ფეხბურთელი უშვებს, ჩვენ ამას ასე ადვილად ვერ გამოვასწორებთ. ჩვენ ძალიან შემტევი ფეხბურთი ვაჩვენეთ ორშაბათს, მაგრამ გატანილი გოლების რაოდენობა არ იყო საკმარისი. "ოლდ ტრადორდზეც" შემტევ ფეხბურთს ვითამაშებთ, თუმცა განსხვავება ის იქნება, რომ აქ საოცარი გულშემატკივარის სიმღერა და ხმაური გაგვამხნევებს. არსენალის წაუგებელი სერია სწორედ ამ მოედანზე დასამარდა, იმედი მაქვს იგივე განმეორდება დღესაც. მე ადრეც ავღნიშნე და ეხლაც ვიტყვი, რომ "იუნაიტედის" გულშემატკივარის მსგავსი არასდროს არსად მინახავს, ჩვენ არ გვქონდა კარგი შედეგები, მაგრამ ისინი მაინც მხურვალედ გვიჭერდნენ მხარს და დარწმუნებული ვარ, მომავალშიც ასე გაგრძელდება. "-დაასრულა ჰოლანდიელმა.