დღევანდელი შეხვედრა "იუნაიტედსა" და "ჩელსის" შორის ექსტრა მნიშვნელობის იქნება ხუან მატასთვის, იგი პირველად ითამაშებს თავისი ყოფილი გუნდის წინააღმდეგ და ხუანი იმედი აქვს, რომ "ოლდ ტრაფორდის" პუბლიკა დიდ როლს ითამაშებს მატჩის მიმდინარეობაში.
წითლები მართლაც რთული ამოცანის წინაშე დგანან, რამეთუ მანჩესტერს პრემიერ ლიგის ლიდერი და ჯერ კიდევ დაუმარცხებელი "არისტოკრატები" ესტუმრებიან.
"გულშემატკივარი ძალიან მნიშვნელოვანია. "ოლდ ტრაფორდზე" ისინი შესანიშნავები იყვნენ, განსაკუთრებით ბოლო ორი თამაშის დროს, ისინი ნამდვილად მე-12 მოთამაშეები იყვნენ. ფეხბურთი არის გულშემატკივრობა, როდესაც შენ მოედანზე ხარ, ისინი მღერიან შენზე, გამხნევებენ და სჯერათ შენი. ფეხბურთი არაფერი იქნებოდა ფანობის გარეშე." -განაცხადა ესპანელმა
ყოფილ გუნდთან დაპირისპირებაზე მატა ამბობს: - "როდესაც მე ვითამაშე "ვალენსიას" წინააღმდეგ ("ჩელსის" შემადგენლობაში), ცოტა არ იყოს ვღელავდი, რადგან სულ 1 თვე იყო გასული, რაც ესპანეთიდან ინგლისში გადავბარგდი, მაგრამ ამავდროულად სასიამოვნოც, მე ბევრი ჩემი მეგობარი და ახლობელი ადამიანი ვნახე, ასევე ისინი, ვისთან ერთადაც მე ვმუშაობდი ყოველდღე. დღეს უმნიშვნელოვანესი თამაშია ჩემთვის, მაგრამ როგორც მე ისე მთელი გუნდი მხოლოდ 3 ქულაზეა კონცენტრირებული."