"მანჩესტერ იუნაიტედის" შემტევი, ადნან იანუზაი თავისი მეგობრისა და თანამემამულის, მარუან ფელაინის გოლმა გაახარა.
"იუნაიტედის" 11 ნომერს მიაჩნია, რომ ფელაინი გაწეული სამუშაოსთვის დაჯილდოვდა და "იუნაიტედის" ქომაგი მარუანისგან ბევრს უნდა ელოდეს.
"მოხარული ვარ მის გამო, რადგან ის ჩემი მეგობარია და მან ძალიან ბევრი იმუშავა ამისთვის. მისთვის რთული იყო დაბრუნება და მიხარია, რომ გოლის გატანა მოახერხა."
"ის კარგი ფეხბურთელია და შეუძლია გუნდს კარგი თამაშით დაეხმაროს."
იანუზაიმ მიმდინარე სეზონში სასტარტო შემადგენლობაში ერთადერთი შეხვედრა ჩაატარა "ვესტ ბრომვიჩის" წინააღმდეგ და მიუხედავად იმისა, რომ ვან გაალის გეგმებში მას მცირედი როლი ერგება, იგი გამოცდილების მიღებით კმაყოფილია.
"მიმდინარე წელს ბევრი თამაში ჩავატარე და მსოფლიო ჩემპიონატზეც ვითამაშე, რაც დიდი გამოცდილება იყო, მიუხედავად იმისა, რომ მსოფლიო პირველობაზე მცირედი შანსი მეძლეოდა. ვიცი, რას უნდა ველოდე მომავალში. მოვლენათა განვითარებით ძალიან ბედნიერი ვარ."