"მანჩესტერ იუნაიტედის" ყოფილი ფეხბურთელი, ჯი-სუნ პარკი დიდიე დროგბას "ჩელსიში" დაბრუნებამ გააკვირვა.
სამხრეთ კორეის ყველაზე ცნობილი ფეხბურთელი ფიქრობს, რომ დიდიე დროგბა თავის 36 წლის ასაკში ჯერ კიდევ წარმოადგენს მოწინააღმდეგისთვის საფრთხეს და თუ ჟოზე მოურინიო კვირას გასამართ შეხვედრაში მასზე შეაჩერებს არჩევანს, "იუნაიტედს" მისი სახით დიდი საფრთხე ემუქრება.
"გაკვირვებული ვარ. შესაძლოა ეს ჟოზე მოურინიოს ეფექტია. მაგრამ როცა დროგბამ დატოვა "ჩელსი" არავის ეგონა, რომ იგი უკან დაბრუნდებოდა, თუმცა ეს მოხდა. ის აღარ არის ისეთი ფეხბურთელი, როგორიც ადრე, მაგრამ ის იცნობს "ჩელსის" და იცნობს პრემიერ ლიგას და არც გოლების გატანის უნარი დაუკარგავს. ის მათთვის კარგი გამოსავალია და ისეთი გამოცდილების ფეხბურთელია, რომლის ყოლაც ყველა გუნდს სურს."
"ჩელსის" რამდენიმე წამყვანი ფეხბურთელი შეიცვალა, მაგრამ თამაშის სტილი ძლიერ არ განსხვავდება იმ პერიოდისგან, როცა მოურინიო წინათ ედგა "ლურჯებს" სათავეში. ეს ძლიერი გუნდია და მათ საკუთარი სიძლიერე უკვე დაამტკიცეს ამ სეზონში. წელს რამდენიმე დიდებული ფეხბურთელი შეიძინეს."
"ფაბრეგასი პრემიერ ლიგას იცნობს და არც "ოლდ ტრაფორდზე" თამაშია მისთვის უცხო. მას უნდა ვუფრთხოდეთ. როცა იგი "არსენალში" თამაშობდა მისთვის განსაკუთრებულად ვემზადებოდით და "ჩელსის" ფეხბურთელების საშემსრულებლო ოსტატობაზე არც კი ვწუხდით. თუ კარგად ვითამაშებთ არ აქვს მნიშვნელობა ვინ იქნება ჩვენ წინააღმდეგ - "იუნაიტედს" ნებისმიერ მოწინააღმდეგესთან შეუძლია კარგი შედეგის მიღწევა."
"ჩელსი" პრემიერ ლიგის სათავეში იმყოფება, მაგრამ ამ თამაშში ეს მათ უპირატესობას არ ანიჭებს. მატჩი "ოლდ ტრაფორდზე" იმართება, ასე რომ, დარწმუნებულნი ვერ იქნებიან, რომ გაიმარჯვებენ. ჩვენი თამაში უნდა ვაჩვენოთ მოედანზე, რასაც მუდამ ვაკეთებდით, არც დავიძაბოთ და შემდეგ ინდივიდუალური კუთხითაც უნდა გავისარჯოთ. ამ ყველაფრის გაკეთების შემთხვევაში სასურველ შედეგს მივაღწევთ" - განაცხადა პარკმა.