ლუი ვან გაალს მიაჩნია, რომ რობინ ვან პერსის მცირედი იღბალი სჭირდება და მისი პრობლემა მოგვარდება.
გამომდინარე იქიდან, რომ უეინ რუნი დისკვალიფიკაციას იხდის, მოსალოდნელია, რომ "ჩელსის" წინააღმდეგ კაპიტნის სამკლაურით "იუნაიტედს" 31 წლის ჰოლანდიელი გაიყვანს.
მიმდინარე სეზონში ვან პერსიმ მხოლოდ 2 გოლის გატანა მოახერხა, თუმცა ვან გაალი თანამემამულის დაბალ შედეგიანობაზე არ სწუხს. "მას ძალიან არ უმართლებს. მაგალითად, "ვესტ ბრომთან" მატჩში რთული იყო იმის დაჯერება, რომ მარჯვენა ფეხით დარტყმის შემდეგ ბურთი ძელს მოხვდა და გოლი არ გავიდა."
"სხვა დანარჩენთან ერთად თავდამსხმელს იღბალი სჭირდება, რათა თავდაჯერებულობა მოემატოს. ვან პერსი თვითკმაყოფილი არ გახლავთ, ამიტომაც მისგან გოლებს ველოდები - იქნებ სწორედ "ჩელსის" წინააღმდეგ."
"ვფიქრობ, ის ფიზიკურად უკეთეს ფორმაში იმყოფება, ვიდრე ოდესმე. მაგრამ ცოტა გოლი გააქვს. ჰოლანდიის ნაკრებში მას უფრო მეტი გოლი გაჰქონდა, ვიდრე "მანჩესტერ იუნაიტედში" გააქვს და მაშინ ასეთ კარგ ფორმაში არ იმყოფებოდა."
"ეს მსოფლიო ჩემპიონატზე დაამტკიცა და ახლაც ამტკიცებს იმ გამონაკლისით, რომ გოლები ვეღარ გააქვს. თუმცა ეს მხოლოდ დროის საკითხია." - განაცხადა ვან გაალმა.