"მანჩესტერ იუნაიტედის" მეკარე, დავიდ დე ხეა მიიჩნევს, რომ "ჩელსის" წინააღმდეგ გასამართი შეხვედრა განსაკუთრებულია.
"ლურჯები" ერთადერთი გუნდია, რომელსაც პრემიერ ლიგის მიმდინარე გათამაშებაში არც ერთი მარცხი არ განუცდია. დავიდი კი იმედოვნებს, რომ ლონდონელთა წარმატებული სერია სწორედ მისი გუნდის წინააღმდეგ მატჩში შეწყდება.
"პრემიერ ლიგაში დაუჯერებელი სტარტი აიღეს. თითქმის ყველა შეხვედრა მოიგეს. მათ შესანიშნავი ფეხბურთელები და ახალწვეულები ჰყავთ. რთულია მათი დამარცხება."
"ჩელსის" წინააღმდეგ მატჩები განსაკურთებულია და ძალიან მომწონს. ყველას სურს ასეთი მაღალი დონის მატჩებში მონაწილეობის მიღება."
"რა თქმა უნდა, ინგლისში ყველა მატჩი რთულია და თითოეულ შეხვედრაში კონცენტრაცია გჭირდება, მაგრამ ეს თამაშები მაინც განსაკუთრებულად მიმაჩნია."