ლუი ვან გაალმა გადაწყვეტილება მიიღო, რომლის თანახმად ვიქტორ ვალდესი "მანჩესტერ იუნაიტედში" ივარჯიშებს.

ვალდესმა მარტში ტრავმა მიიღო, რის გამოც ბრაზილიის მსოფლიო ჩემპიონატი გამოტოვა. "ნოუ კამპზე" მისი კარიერა შეწყვეტილია და ფორმის აღდგენის გამო ესპანელმა კიპერმა გადაწყვიტა "იუნაიტედის" სავარჯიშო კომპლექსზე ივარჯიშოს.

2002/2003 წლების სეზონში "ბარსელონას" მთავარი მწვრთნელის პოსტზე ყოფნისას ვან გაალი ვალდესთან ერთად მუშაობდა და 32 წლის მეკარის უნარებით ახლაც მოხიბლულია.

"ჩემთვის ეს სიურპრიზი არ გახლავთ, რადგან მსგავსი რამ ბევრი ფეხბურთელის შემთხვევაში გამიკეთებია. მე უამრავ ფეხბურთელთან მქონია ურთიერთობა. რონალდ დე ბურსა და ედგარ დავიდსსაც მივეცი ფორმის აღდგენისა და ვარჯიშის საშუალება, ასე რომ ვიქტორი ერთ-ერთი ასეთ ფეხბურთელთაგანია."

"რობინ ვან პერსის, როცა იგი გასულ წელს ჰოლანდიის ნაკრებში ჩემთან ერთად მუშაობდა, ჩვენს სამედიცინო დეპარტამენტში მოსვლის უფლებას ვაძლევდი, რათა მსოფლიო ჩემპიონატისთვის მზად ყოფილიყო. ახლაც იგივე შემთხვევაა. "იუნაიტედის" მწვრთნელი იმ დროს არ ვყოფილვარ, მაგრამ ასეთ რამეს მუდმივად ვაკეთებდი და არა მარტო დიდი, არამედ ისეთი ფეხბურთელების შემთხვევაშიც, რომელთა სახელიც კი არ გსმენიათ." - განაცხადა ვან გაალმა.

როცა ჰკითხეს, შეიძლებოდა თუ არა, რომ ვალდესი "იუნაიტედში" დარჩენილიყო, ვან გაალმა უპასუხა: "მანჩესტერ იუნაიტედს" თვალები ყოველთვის გახელილი აქვს."

წყარო: manutd.com