"მანჩესტერ იუნაიტედის" მთავარი მწვრთნელი "ჩელსისთან" გასამართ შეხვედრის წინ ჟურნალისტებს შეხვდა და მათ დასმულ კითხვებს უპასუხა, ასევე შეეხო ვიქტორ ვალდესის შესახებ გავრცელებულ ინფორმაციასაც.
ტრავბებზე- "ანდერი(ერერა) ისედაც მზად იყო წინა მატჩისთვის, ხოლო რაც შეეხება დი მარიას, მე ორშაბათსვე განვაცხადე, რომ მისი დაზიანება მძიმე არ იყო და ასეც აღმოჩნდა, მიუხედავად იმისა, რომ მან ერთი დღე არ ივარჯიშა, ანხელი სრულ მზადყოფნაშია. სამწუხაროდ ჩვენ არავინ შემოგვემატა, მე მივეცი მაიკლ კერიკს ნება დღეს რეზერვთა გუნდში ეთამაშა, მას ეს სჭირდება, თამაში იდეალური საშუალებაა ფორმაში შესასვლელად მითუმეტეს მას შემდეგ, რაც 5 თვე გაუცდა. "
ჩელსის შესახებ - "ისინი ერთ-ერთი საუკეთესონი არიან, მე ვფიქრობ "მაჩესტერ სიტიც" სწორედ ამ კალიბრისაა, ეს ორი გუნდი ტოპ კლასისაა. ჟოზემ უკვე 1 წელზე მეტი იმუშავა და მათ გასულ სეზონში ვერაფრის მოგება ვერ შეძლეს. ისინი თამაშობენ როგორც გუნდი და მე მინდა რომ ჩემი შეგირდებიც ასე იქცეოდნენ მთელი 90 წუთის განმავლობაში. ჩვენ ეს გავაკეთეთ "ვესტ ბრომთან", ვითამაშეთ გუნდურად, მაგრამ ინდივიდუალური შეცდომების გამო ვერ გავიმარჯვეთ."
დიეგო კოშტას ტრამვაზე - "მე ვფიქრობ ჟოზემ უნდა ათამაშოს ის, რა თქმა უნდა, თუ დიეგოს შეუძლია, რადგან მოურინიოს მოგება სურს. შესაძლოა კოშტამ ითამაშოს, რადგან მან ივარჯიშა ინდივიდუალურად. მე მოვისმინე და წავიკითხე ამის შესახებ. მე ყოველთვის ყურადღებით ვარ! მან 7 მატჩში 9 გოლი გაიტანა - ეს შესანიშნავი შედეგია, ამიტომ ის კარგ ფორმაში უნდა იყოს, მაგრამ ის ცუდად გახდა გუშინ, ამიტომ არავინ არაფერი იცის."
ჟოზე მოურინიოს შესახებ - "მან ბევრჯერ განაცხადა, რომ ბევრი ისწავლა "ბარსელონაში" მუშაობისას. მე ეს ძალიან მახარებს, მაგრამ მას მხოლოდ ვან გაალისგან არ უსწავლია, ის თავად შრომობდა ბევრს. მეც ერთ დროს ვსწავლობდი ლეო ბენჰაკერისგან, რომლის ასისტენტიც გახლდით, მე ყოველთვის ყურადღებით ვუსმენდი მას, მაგრამ საკუთარ თავთან შრომის გარეშე ვერაფერს მივაღწევდი.
რა თქმა უნდა მე ვხედავდი მასში დიდ ტალანტს, როცა მივანდე კატალონიის თასის თამაშები მხოლოდ მას, მაგრამ ამდენი ტიტულის მოგება სხვადასხვა გუნდებით - ეს ფანტასტიკურია."
ვიქტორ ვალდესზე - "აქ არაფერია გასაკვირი, მე ეს ადრეც გავაკეთე და კიდევ გავაკეთებ სავარაუდოდ, მე ძალიან ბევრ ფეხბურთელთან მაქვს კარგი ურთიერთობა ამიტომ ეს სიურპრიზი ნამდვილად არ არის. მე დავეხმარე რონალდ დე ბურსა და ედგარ დავიდსს, როდესაც მათ სარეაბილიტაციო პერიოდი ჰქონდათ, ვალდესიც სწორედ ასეთი შემთხვევაა. თუ გახსოვთ ამ წელს რობინ ვან პერსი ჩამოვიდა ჰოლანდიაში ფორმის აღსადგენად და მე მასაც მივეცი ნება ნაკრების ექიმებთან გაევლო რებილიტაცია."