დიეგო კოშტას მსგავსად საკვირაო შეხვედრას ლოიკ რემიც გამოტოვებს.
შეგახსენებთ, რომ კვირას 19 საათზე "იუნაიტედი" "ჩელსის" დაუპირისპირდება.
დიეგო კოშტა სანაკრებო პაუზის შემდეგ ლონდონელებს ბარძაყის დაზიანებით დაუბრუნდა, რასაც მოგვიანებით კუჭის პრობლემით დაემატა, რის გამოც საავადმყოფოში მისვლა გახდა საჭირო.
მწყობრში არ იმყოფება "ლურჯების" ახალწვეული ლოიკ რემიც, რომელმაც ჩემპიონთა ლიგის შეხვედრაში "მარიბორის" წინააღმდეგ საზარდული დაიზიანა.
გამოკვლევების შედეგად დადასტურდა, რომ ლოიკ რემი "ოლდ ტრაფორდზე" შეხვედრას დააკლდება. გარდა ამისა, იგი რამდენიმე კვირას გამოტოვებს.
შესაბამისად, ჟოზე მოურინიოს ცენტრალური ფორვარდის პოზიციაზე ვეტერანი დროგბასა და ახლახანს გამოჯანმრთელებული შურლეს ვარიანტიღა რჩება.