ლონდონის "ჩელსის" თავდამსხმელმა, დიდიე დროგბამ განაცხადა, რომ კვირას გასამართ შეხვედრაში თავდამსხმელის პასუხისმგებლობის ასაღებად მზადაა.

ლოიკ რემისა და დიეგო კოშტას ტრავმები ჟოზე მოურინიოს დროგბას სახით ერთადერთ არჩევანს უტოვებს.

"ჯერ კიდევ მესაჭიროება დრო, რადგანაც დაბრუნებამდე ორი თუ სამი კვირა არ მითამაშია. შემდეგ რამდენიმე მატჩი ტრავმის გამო გამოვტოვე, ასე რომ, პრაქტიკა აუცილებლად მჭირდება. თუმცა თავგამოდებით ვვარჯიშობ და ფორმის პიკის მიღწევას ვცდილობ.

"მე თავდამსხმელი ვარ და თუ კი შედეგიან გადაცემას ვიძლევი და სხვებისთვის სივრცეებს ვქმნი, გოლის გატანა თავადაც მსიამოვნებს. მწვრთნელის გადასაწყვეტია ვინ ითამაშებს სასტარტოში, მაგრამ ვინ იტყოდა "ოლდ ტრაფორდზე" თამაშზე უარს? მე მოხარული ვიქნებოდი. მზად ვარ."

"მახსოვს "იუნაიტედის" წინააღმდეგ 2010 წელს გამართული შეხვედრა. ორივე გოლი ბრწყინვალე გამოდგა. სასიამოვნო იყო მათი დამარცხება. ისეთი შეგრძნება გვქონდა, თითქოს ლიგას ვიგებდით, მიუხედავად იმისა, რომ რამდენიმე მატჩი ჯერ კიდევ იყო დარჩენილი."

"იუნაიტედი" ყოველთვის წარმოადგენდა საფრთხეს. იქ სიძლიერითა და რწმენით უნდა ჩავიდეთ და ისიც უნდა გვესმოდეს, რომ მათ კარგი გუნდი ჰყავთ." - განაცხადა დროგბამ.

წყარო: fapl.ru