პატრიკ კლუივერტი მიიჩნევს რომ, შედეგი დამოკიდებულია იმაზე, თუ რამდენად სწრაფად შეეწყობიან "იუნაიტედის" შეტევის ხაზში მოთამაშე ფეხბურთელები ერთმანეთს.
"მე ძალიან გამიხარდა, როდესაც რადამელ ფალკაომ თავისი სადებიუტო გოლი გაიტანა წითლების შემადგენლობაში, ის დიდებული ფეხბურთელია და ძალიან კარგი ადამიანი, რომელიც დიდი იმედი მაქვს მალევე შეეწყობა უეინ რუნისა და რობინ ვან პერსის. მისი შეძენით, "იუნაიტედმა" უძლიერესი შეტევის ხაზს მოუყარა თავი. " -განაცხადა ჰოლანდიელმა.
"ანხელ დი მარია ასევე ფანტასტიური შენაძენია, მე დარწმუნებული ვარ, როგორც კი "იუნაიტედი" ერთ მუშტად შეივკრება და შეთამაშდება ისინი დიდ აღმასვლას დაიწყებენ. ყველამ იცის რომ ახლა კლუბს უჭირს, მაგრამ ისინი ბევრად უკეთესები არიან, ვიდრე იყვნენ სეზონის სტარტზე, ისინი პროგრესირებენ. ადრე თუ გვიან, ვან გაალი აუცილებლად მიაღწევს წარმატებას "იუნაიტედთან" ერთად.
დეილი ბლინდი - ის შესანიშნავი ფეხბურთელია, რომელსაც შეუძლია როგორც დაცვის ხაზში, ისე ნახევარდაცვაში კარგად მოქმედება. ნაკრებში მას იყენებენ როგორც მცველს, მაგრამ მე მიმაჩნია რომ სწორედ მოედნის ცენტრში არის მისი ადგილი. ის ყოველთვის გაწონასწორებულია, მშვიდად აკონტროლებს ბურთს და ხედავს მთელ მოედანს. ეჭვიც არ მეპარება, რომ დეილი ინგლისში ბევრად ძლიერი გახდება. "