"მანჩესტერ იუნაიტედის" ოფიციალურმა ვებ-გვერდმა საკმაოდ რთული კითხვა დაუსვა ესპანელ გამთამაშებელს, ხუან მატას, მას უნდა აერჩია "იუნაიტედის" ისტორიაში 5 ყველაზე გამორჩეული ფეხბურთელი.

მე შემიძლია დაგისახელოთ მინიმუმ 20 ისეთი ფეხბურთელი, რომლთაც "იუნაიტედის" ისტორიაში მნიშვნელოვანი ადგილი უჭირავთ. თუმცა თუ მხოლოდ ხუთის დასახელების უფლებას მაძლევთ, ჩემი ჩამონათვალი ასეთია...

რაიან გიგზი, რა თქმა უნდა. მას კლუბის ისტორიაში ყველაზე მეტი მატჩი აქვს ჩატარებული. ის ყოველთვის ძალიან მნიშვნელოვანი ფიგურა იყო გუნდისთვის როგორც ფეხბურთელი და როგორც მენეჯერის ასისტენტი. მისი შესანიშავი მარცხენა არასდროს მიეცემა დავიწყებას.

პოლ სქოულზი ერთ-ერთი საუკეთესო ნახევარმცველი იყო ვისი თამაშიც ოდესმე მინახავს. გასულ სეზონში ის ჩვენთან ერთად იყო, მასთან ერთად ვვარჯიშობდი და გაოგნებული ვიყავი მისი შესაძლებლობებით. სქოულზს შესანიშნავი დარტყმა ჰქონდა და ყოველთვის ამარაგებდა თანაგუნდელებს ასისტებით... ის საოცარი ფეხბურთელი იყო.

კრიშტიანუ რონალდუ. როცა პორტუგალიელი აქ იყო ის ძალიან მნიშვნელოვანი იყო კლუბისთვის და კლუბი ძალიან მნიშვნელოვანი იყო მისთვის. მას უამრავი გოლი აქვს გატანილი და ნამდვილად უნდა იყოს ჩემს ხუთეულში.

რუუდ ვან ნისტელროი. ახლაგაზრდობიდან მახსოვს როგორ იტანდა ის გოლებს და აღნიშნავდა "ოლდ ტრაფორდის" მაყურებლის წინაშე. ის ძალიან კარგი ფეხბურთელი იყო და ერთ-ერთი საუკეთესო თავდამსხმელი ვინც ოდესმე მინახავს.

რიო ფერდინანდი და ნემანია ვიდიჩი. რიო და ვიდა ქმნიდნენ საუკეთესო დუეტს "პრემიერ ლიგაში". ისინი ძალიან ძლიერები იყვნენ და ერთმანეთს კარგად უგებდნენ. წლების განამავლობაში მათი დუეტი ტიტულების მოგებაში დიდ როლს თამაშობდა.



წყარო: ManUtd.com