"მანჩესტერ იუნაიტედი" ვიქტორ ვალდესს აძლევს შანსს შეუერთდეს გუნდს და ივარჯიშოს მათთან ერთად ფორმის აღსადგენად.
ვიქტორს მთელი ზაფხულის განმავლობაში მრავალ კლუბთან აკავშირებდნენ, მათ შორის იყვნენ: "მონაკო", "ლივერპული" და "ფიორენტინა", მაგრამ საბოლოოდ ისე აღმოჩნდა, რომ "ბარსელონას" კარის ყოფილი დარაჯი მარტის შემდეგ უგუნდოდაა.
წითლების მთავარი მწვრთნელი, ლუი ვან გაალი, 32 წლის ესპანელ მეკარეს სთავაზობს, რომ მან სარეაბილიტაციო პერიოდი მანჩესტერში გაიაროს, ვალდესს მუხლზე ოპერაციის შემდეგ არ უვარჯიშია და ნამდვილად სჭირდება ფორმაში ჩადგომა.
ვალდესი, რომელიც თავისუფალი აგენტის სტატუსითაა, იუნაიტედის ექიმების დაკვირვების ქვეშ იქნება სანამ პირველ გუნდს შეუერთდება. ესპანელი ძველი ფორმის დაბრუნებას აპირებს.
ბევრი ამ ფაქტს "რეალის" დე ხეასადმი ინტერესს უკავშირებს, მაგრამ დევიდმა სამშაბათს განაცხადა რომ მანჩესტერში ძალიან ბედნიერია და არსად წასვლას არ გეგმავს.