23 წლის ესპანელი მეკარე, რომელიც მადრიდიდან "იუნაიტედში" 2011 წელს, 17.8 მილიონის სანაცვლოდ გადაბარგდა, ბევრმა იკერ კასილასის შემცვლელად მოიაზრა "მადრიდის რეალში".

ჟურნალისტებმა ასევე დაადგინეს, რომ მადრიდელები ახლავე ამზადებენ გრძელ ვადიან კონტრაქტს დავიდისთვის, რადგან მას "მანჩესტერთან" მიმდინარე კონტრაქტი ზაფხულამდე აკავშირებს და "რეალის" ხელმძღვანელობა ახალგაზრდა ესპანელის გადაბირებას ეცდება.

მაგრამ, როდესაც თვითონ დავიდ დე ხეას ჰკითხეს ჭორების თაობაზე მან შემდეგი პასუხი გასცა: "ეს მხოლოდ ჭორებია, მე ძალიან ბედნიერი ვარ აქ."

"იუნაიტედი" მიმდინარე სეზონში მე-6 ადგილს იკავებს და გასული 8 ტურიდან მათ მხოლოდ 12 ქულა დააგროვეს, რაც ნამდვილად არ იყო ის, რასაც მათგან ელოდნენ.

"არცთუ კარგი სტარტი ნორმალურია, რადგან ჩვენ სრულიად ახალი გუნდი გვყავს, ახალი მენეჯერით. ეს პროცესია, რომელიც აუცილებლად გამოსწორდება და ჩვენ მოვუმატებთ, მაგრამ რა თქმა უნდა, ეს დროს მოითხოვს. ერთი კი ცხადია, ჩვენ აუცილებლად უნდა მოვიპოვოთ ჩემპიონთა ლიგის საგზური."

ესპანელმა სერ ალექსის მადლიერია, რომელიც იცავდა და ენდობოდა მას სადებიუტო სეზონებში.

"თავიდან მართლაც რთული იყო, მაგრამ სერ ალექსი მე მხარში მედგა და მეხმარებოდა. ის მიცავდა კრიტიკისგან. დღეს მე მადლიერი ვარ იმ კრიტიკის, მან მე ძალიან გამაძლიერა. მეკარეობა ძალიან რთული საქმეა. ადამიანები უშვებენ შეცდომებს და როცა შენ ცდები შენ უნდა მოუმატო. ახლა მე ძლიერი ვარ."

წყარო: goal.co.uk