MUTV-ის ერთ-ერთერთი ცნობილი რუბრიკის: "ტაქტიკების დაფის" სტუმარი ამჯერად ყოფილი "ეშმაკი" ენდი რიჩი იყო. სწორედ მას მოუხდა საკვირაო შეხვედრის წინ ევარაუდა თუ როგორი შემადგენლობით და ტაქტიკით ითამაშებდნენ გუნდები. ასევე ენდიმ ისაუბრა თუ სად და ვის შორის იქნებოდა ყველაზე მნიშვნელოვანი დაპირისპირება.
ენდიმ "იუნაიტედის" შემადგენლობით დაიწყო:
"მე ვფიქრობ, ყველაფერი დამოკიდებულია ტრამვებზე, ჩვენ ვნახეთ, რომ დი მარია შეცვლილი იქნა ბარძაყის ტრამვის გამო, ასევე საეჭვოა ანდერ ერერას თამაში, რომელსაც წელი აწუხებს. მე ძალიან დიდი იმედი მაქვს, რომ ანხელი შეძლებს თამაშს და სწორედ ამიტომ დავაყენე იგი თავის პოზიციაზე. ჩემთვის ასევე დიდ კითხვად რჩება ვინ დაიწყებს თამაშს თავდამსხმელის პოზიციაზე, ფალკაო თუ რობინ ვან პერსი. მე ვფიქრობ, რომ ფელაინი აუცილებლად დაიწყებს, რადგან მან ძალიან კარგი მეორე ტაიმი ჩაატარა, მაგრამ არავინ იცის ვის აირჩევს ვან გაალი წინ, შესაძლოა მან ორი ფორვარდით დაიწყოს. ფალკაო ნამდვილად იმსახურებს ძირითად შემადგენლობას, ის ფანტასტიურად შევიდა შეცვლაზე. რადამელის კარგმა ფორმამ შესაძლოა მისცეს მწვრთნელს საშუალება დაასვენოს ჰოლანდიელი, მაგრამ არ დაგვავიწყდეს ისიც, რომ რუნის არ ყოფნაში სწორედ ისაა გუნდის კაპიტანი.
"ჩელსის" შემთხვევაშიც იგივე პრობლემას ვაწყდებით, არავინ იცის გამოჯამრთელდება თუ არა დიეგო კოშტა, მაგრამ იმედი მაქვს, ის ვერ შეძლებს თამაშს (იცინის). რაც შეეხება ასპილიკუეტას, რომელსიც დისკვალიფიკაციის გამო გამოტოვებს შეხვედრას, მას ფილიპე ლუისი შეცვლის."
კითხვას, თუ სად იქნება მთავარი ბრძოლა, ენდიმ შემდეგი პასუხი გასცა-"რა თქმა უნდა, მოედნის ცენტრში, სადაც ისეთი ფეხბურთელები თამაშობენ, როგორებიც არიან: ფაბრეგასი, მატიჩი, ბლინდი, მატა. სესკი უდავოდ ფანტასტიურ ფორმაშია, სწორედ ის არის მთავარი ფიგურა "ჩელსიში", ის ანაწილებს პასებს, იგი დირიჟორია, მაგრამ არ დაგვავიწყდეს ედენ აზარი, რომელიც ჩემი აზრით 2-3 წელში ერთ-ერთი საუკეთესო იქნება მსოფლიოში. ის სწრაფი, ტექნიკური და ჭკვიანი ფეხბურთელია, ამიტომ რაფაელს დიდი ძალისხმევა დასჭირდება მის გასანეიტრალებლად, მას ასევე ძალიან უყვარს ფლანგინდან ცენტრში შესვლა და იქიდან ხიფათის შექმნა.
ასევე ძალიან მნიშვნელოვანი ბრძოლა გველის მწვრთნელებს შორისაც, ჩვენ ვიცით, რომ ორივე მათგანი უძლიერესი ტაქტიკოსია, სწორედ ეს ხდის ამ მატჩს ერთი-ორად საინტერესოს"-დაასრულა ენდი რიჩმა.