ანხელ დი მარია დიდი ალბათობით სრულ მზად ყოფნაში იქნება და სასურველ ფორმაში შეხვდება პრემიერ ლიგის ლიდერებთან გასამართ შეხვედრას, შეგახსენებთ "ჩელსისთან" დაპირისპირება კვირას, თბილისის დროით 19 საათზე დაიწყება. დი მარიამ მკურნალობის კურსი ჩაიტარა ოთხშაბათს, როდესაც გუნდის დასვენების დღე იყო.

არგენტინელი ვინგერის თამაში სათუო მას შემდეგ გახდა, რაც "ვესტ ბრომთან" შეხვედრაში ლუი ვან გაალს მისი შეცვლა 76-ე წუთზე მოუწია. ანხელმა ბარძაყის არეში იგრძნო ტკივილი, მაგრამ მაინც სცადა გაეგრძელებინა თამაში. საბოლოოდ კი სათადარიგოთა სკამზე დაჯდომას ვერ აერიდა.

ანხელთან ერთად მწყობრშია მაიკლ კერიკიც, რომელიც მუხლის ტრამვის შემდეგ ორშაბათს გამოჩნდა განაცხადში, მაგრამ თამაშში ჩართვა არ მოუწია. ინგლისელი ნახევარმცველი, რომელსაც არ უთამაშია ივნისის შემეგ, როდესაც მან მუხლის ოპერაცია გაიკეთა, სავარაუდოდ პარასკევს სარეზერვო გუნდში ითამაშებს, მაგრამ ვან გაალს ჯერ კიდევ არ აქვს გადაწყვეტილი, მისცეს რეზერვებთან თამაშის უფლება, თუ ავარჯიშოს გუნდთან ერთად ჩელსისთან გასამართ შეხვედრამდე.

წყარო: fapl.ru