ლუი ვან გაალი და ჟოზე მოურინიო კვირას ერთმანეთს შეხვდებიან და ყველა ტაქტიკური ბრძოლის მოლოდინშია.

ეს წყვილი ერთად "ბარსელონაში" მუშაობდა, როდესაც ვან გაალი კატალონიელ გიგანტებებს თავკაცობდა და სწორედ ამიტომ ისინი დიდ პატივს სცემენ ერთმანეთს. მიუხედავად იმისა რომ ორივე მათგანი უდიდეს კლუბებს ედგა სათავაში ისინი ერთმანეთს მხოლოდ ერთხელ დაუპირისპირდნენ და ეს 2010 წელს მოხდა, ჩემპიონთა ლიგის ფინალში.

ამ ერთადერთი დაპირისპირების გამარჯვებული ჟოზე მოურინიო გახდა, რომლის გაწვრთნილმა მილანის "ინტერმა" დიეგო მილიტოს დუბლის წყალობით, 2-0 სძლია მიუნხენის "ბაიერნს". ამ გამარჯვებამ მოურინიოს ტრებლი მოაგებინა, მაგრამ ამჯერად ვან გაალი შეეცდება პირად დაპირისპირებაში ანგარიშის გათანაბრებას.

ორი სპეციალისტი ერთმანეთს ამხანაგურ ტურნირზეც შეხვდა მას შემდეგ რაც პორტუგალიელი მადრიდში გადაბარგდა. მადრიდის "რეალმა" მხოლოდ პენალტების სერიით მოახერხა გამარჯვება.

როგორც ერთი, ისე მეორე სპეციალისტი დიდ ტაქტიკოსად არის აღიარებული, ამიტომ ძალიან საინტერესო იქნება, როდესაც პორტუგალიელი "ოლდ ტრაფორდს" ეწვევა თავისი გუნდით. მიუხედავად მათი მეგობრობრული ურთიერთობისა არავინ ფიქრობს იმას, რომ რომელიმე მათგანი დათმობას აპირებს, პირიქით ყველა დიდი ბრძოლის მოლდინშია.

წითლების ნახვარმცველმა დეილი ბლინდმა ინტერვიუში განაცხადა: "ჩვენ უნდა ვითამაშოთ ჩვენი, საკუთარი ტაქტიკით და რა თქმა უნდა გუნდურად. შესაძლოა ეს მატჩი ტაქტიკების ბრძოლა იყოს. მე ვფიქრობ რომ, ორივე მწვრთნელი ძალიან ძლიერია ამ კუთხით, ამიტომ მჭიდრო თამაშის მოლოდინში ვართ."

ჯონათან უილსონი ერთ-ერთ გაზეთთან ინტერვიუში მატჩს ასე აფასებს: "შესაძლოა ცუდი სტარტი რაღაც მხრივ კარგიც იყოს, ეს ადრეც მომხდარა მის (ვან გაალის) კარიერაში. ცუდი სტარტი აძლევს მას საფიქრალს და უმეტეს შემთხვევაში მას საოცარი იდეები მოსდის. სწორედ ასე ხდებოდა უწინ, ვან გაალი ყოველთვის პოულობს გამოსავალს."

ვფიქრობ "ჩელსი" ისევ მჭიდროდ ითამაშებს, როგორც მათ ეს სხვა დიდ კლუბებთან გააკეთეს წინა სეზონში, ისინი შეეცდებიან გაიტანონ კონტრ-შეტევაზე. შეიძლება არაორდინალურად ჟღერდეს მაგრამ, ვფიქრობ სიღრმიდან თამაში "იუნაიტედს" სარგებელს მოუტანს."

ორი მწვრთნელი ერთმანეთს ძალიან კარგად იცნობს და ეს ფაქტორი ნავთს ასხავს იმ ცეცხლს, რომელსაც "მანჩესტერ იუნაიტედი" და "ჩელსი" დაანთებენ, "ოლდ ტრაფორდზე". "ჩვენ ერთმანეთს ყოველთვის ვაკვირდებით. მე ყოველთვის მჯეროდა რომ ის დიდი მწვრთნელი გახდებოდა. ის შესანიშნავი სპეციალისტი იყო ადრე, მაგრამ ახლა ის მსოფლიოში ერთ-ერთი საუკეთესოა"-განაცხადა ვან გაალმა.

"მან არნახული სამუშაო გასწია ჰოლანდიის ნაკრებში, ჩემი აზრით გუნდი არ იყო ისეთი ძლიერი რომ ასეთ შედეგს მიეღწია და ეს რა თქმა უნდა მწვრთნელის დამსახურებაა. ის ძალიან, ძალიან, კარგი სპეციალისტია, იგი აუცილებლად მიაღწევს წარმატებას "იუნაიტედში". ჩვენ ორივენი ძალიან დიდი მწვრთნელები ვართ, სწორედ ამისთვის დავიბადეთ."-ჟოზე მოურინიო.

წყარო: manutd.com