ლუკ შოუ "ჩელსის" წინააღმდეგ კვირას გასამართ შეხვედრას მოულოდნელად ელოდება და მატჩს "მსოფლიო ფეხბურთის გამორჩეულ შეხვედრად" მოიხსენიებს.

ლონდონში დაბადებული ფეხბურთელი ბავშვობიდანვე "ჩელსის" გულშემატკივარია და მთელი მისი ოჯახიც "ლურჯებს" უჭერს მხარს.

"ჩელსის" წინააღმდეგ თამაში ჩემი ოჯახისა და მეგობრებისთვის უდიდესი მოვლენაა, რადგან ლონდონის ამ მიდამოებში დავიბადე. პატარაობისას მათ ხშირად ვუყურებდი, რაც დარწმუნებული ვარ ყველასთვის ცნობილია."

"როცა "საუთჰემპტონთან" ერთად "სტემფორდ ბრიჯზე" პირველად ვითამაშე, ამით სურეალისტური გამოცდილება მივიღე და დიდწილად იმიტომ, რომ ამ მოედანზე ბავშვობაშიც გავსულვარ."

"მაგრამ "ოლდ ტრაფორდზე" "იუნაიტედთან" ერთად "ჩელსის" წინააღმდეგ თამაში სულ სხვა შეგრძნებაა. თამაშს მოუთმნელად ველოდები, განსაკუთრებით იმის გამო, რომ ეს უდიდესი შეხვედრა იქნება. ყველასთვის ცხადია, რომ "იუნაიტედისა" და "ჩელსის" დაპირისპირება მასიურია, ასე რომ, მას მოუთმენლად ველოდები."

"ჩელსი" სატურნირო ცხრილის სათავეში მოექცა და ოპონენტებს ძლიერ უსწრებს. ლუი ვან გაალმა "ლურჯებთან" დაპირისპირება "ბისკუიტად" მოიხსენია და განაცხადა, რომ ლონდონელები "იუნაიტედის" უკანასკნელ მეტოქეს აღემატებიან. სწორედ ეს ფაქტორი მატებს შოუს დამატებით მოტივაციას.

"ეს უდიდესი მატჩია - ვფიქრობ, თამამად შეგიძლიათ თქვათ, რომ ეს მსოფლიოს ერთ-ერთი გამორჩეული შეხვედრაა, რომელსაც ყველა უყურებს ტელევიზორით. ძალიან ცოტა მატჩი თუ მოიძებნება, რომელიც ამ თამაშს აღემატება და სწორედ ამიტომაც ვიმედოვნებ, რომ მასში მონაწილეობას მივიღებ. მინდა ხალხს ვუჩვენო თუ რის გაკეთება შემიძლია მსგავს თამაშებში.

წყარო: manutd.com