რაფაელს სჯერა რომ "მანჩესტერ იუნაიტედი" დაუბრუნებს შიშის ფაქტორს "ოლდ ტრაფორდს" და სწორედ საკუთარი კედლების უპირატესობა იქნება გადამწყვეტი კვირას, "ჩელსისთან" გასამართ შეხვედრაში.
ლუი ვან გაალის შეგირდებმა ბოლო სამი მატჩი სასურველი შედეგით დაასრულეს საკუთარ მოედანზე, გაიტანეს რა 8 გოლი და მიიღეს მხოლოდ ორი, მათი მეტოქეები კი "ქუინს პარკ რეინჯერსი", "ვესტ ჰემი" და "ევერტონი" გახლდათ.
"ყველას დამარცხება შესაძლებელია, ჩვენ უბრალოდ ჩვენი მაქსიმუმი უნდა ვაჩვენოთ და შედეგი არ დააყოვნებს. ისინი("ჩელსი") მართლაც ძალიან კარგად თამაშობენ, მაგრამ ჩვენ ვთამაშობთ "ოლდ ტრაფორდზე" და ეს დიდი პლუსია ჩვენთვის."-აცხადებს რაფაელი.
კითხვაზე, შეძლებს თუ არა გუნდი "ოლდ ტრაფორდი" ისევ აუღებელი ციხე-სიმაგრე გახადოს ბრაზილიელმა ასე უპასუხა:- "დიახ, ჩვენ შეგვიძლია. ჩვენ აქ კარგ ფეხბურთს ვაჩვენებთ და კარგი შედეგიც გვაქვს."
"ფეხბურთში მთავარი შედეგია. როდესაც შენ არ თამაშობ კარგად და შედეგი არის ფრე, რა თქმა უნდა, ყველა იწყებს ამაზე ლაპარაკს, მაგრამ იმედი მაქვს ჩვენ კარგად ვითამაშებთ "ჩელსის" წინააღმდეგ და შედეგიც დადებითი იქნება."
"მე ბევრჯერ მიმიღია მონაწილეობა დიდ თამაშებში და მე ეს ძალიან მომწონს, ეს დიდი გამოწვევაა ჩემთვის. იმედი მაქვს "ოლდ ტრაფორდი" როგორც ყოველთვის, კვირასაც ძალიან ხმაურიანი იქნება, ჩვენ ეს გაგვაძლიერებს. მეტოქე ძალიან კარგად თამაშობს ამიტომ შედეგის მისაღწევად ბოლომდე უნდა დავიხარჯოთ."