"შტუტგარტის" ხელმღძვანელობამ განაცხადა, რომ ანტონიო რუდიგერმა შესაძლოა ზამთარში კლუბი გამოიცვალოს.

"მანჩესტერ იუნაიტედი" დაცვის ხაზში სერიოზულ პრობლემებს განიცდის, რის გამოც მოსალოდნელია, რომ "წითლები" ზამთარში მცველის დამატებას ეცდებიან.

სავარაუდო კანდიდატებად "ასტონ ვილას" კაპიტანი რონი ვლაარი, "სტოკ სიტის" კაპიტანი შოუკროსი და "ბარსელონას" ცენტრალური მცველი, ხერარდ პიკე სახელდებოდა.

თუმცა, "იუნაიტედის" სახელს "შტუტგარტის" მცველის, ანტონიო რუდიგერის სახელსაც უკავშირებენ. გერმანული გუნდის ხელძღვანელობის განცხადებით ანტონიოს ტრანსფერი გამორიცხული არ არის.

"მოქმედი კონტრაქტით ანტონიო ჩვენთან 2017 წლამდე დარჩება. მაგრამ საკითხავია, რამდენად დიდხანს მოვახერხებთ ასეთი დონის ფეხბურთელის შენარჩუნებას. ის მუდამ იბრძვის სრულფასოვნებისკენ და ყველაფერი აქვს იმისთვის, რომ წარმატებას მიაღწიოს" - განაცხადა "შტუტგარტის" მწვრთნელმა, არმინ ფემ.

"მესმის, რომ მისი სამსახურით მრავალი კლუბი ინტერესდება. მაგრამ ანტონიოს მხოლოდ მაშინ გავუშვებთ, თუ მის სანაცვლოდ შესაბამის თანხას გადაიხდიან. წინააღმდეგ შემთხვევაში ის ჩვენთან დარჩება და ეს უფრო უკეთესი იქნება ჩვენთვის."

წყარო: redevils.ru