სერ ალექს ფერგიუსონი "ვესტ ჰემის" მწვრთნელის, სემ ელერდაისის მიმართ სიმპათიებით არის განწყობილი და აღნიშნავს, რომ არასდროს უთამაშია ისეთი "ვესტ ჰემის" წინააღმდეგ, რომელიც მისთვის საშიშ ფეხბურთს თამაშობდა.

"იუნაიტედის" ლეგენდარული მწვრთნელი თავისი ავტობიოგრაფიის დამატებით ნაწილში აღნიშნავს, რომ მას არ ესმის თუ რას უწოდებენ "ვესტ ჰემის" გულშემატკივრები "ვესტ ჰემის გზას".

ფერგიუსონმა განაცხადა, რომ "გზა" არის მხოლოდ მითი, რომელიც მას 26 წლიანი მუშაობის განმავლობაში არასოდეს უნახავს და ელერდაისის სტილი უფრო მიმზიდველად მიაჩნია.

"იმედი მაქვს, სანამ მოვკვდები ვინმე ამიხსნის თუ რას ნიშნავს "ვესტ ჰემის გზა". რა არის ეს? უკანასკნელად მათ თასი 1980 წელს მოიგეს და თანაც FA თასი."

"არასდროს მითამაშია ისეთი "ვესტ ჰემის" წინააღმდეგ, რომელიც ჩემთვის საშიშ ფეხბურთს აჩვენებდა. ისინი ყოველთვის გადარჩენილები, ან იღბლიანები იყვნენ, თითქოს ჩვენ წინააღმდეგ ჯოჯოხეთია."

ფერგიუსონმა გასული წლის "ვესტ ჰემი" საშუალო დონის ფეხბურთელების გუნდად მოიხსენია, რომელთაც სემ ელერდაისი ეხმარებოდა.

"ჩაქუჩებმა", რომელთაც სეზონის კარგად დაწყების შემდეგ პრემიერ-ლიგის მიმდინარე სატურნირო ცხრილში მეოთხე ადგილი უჭირავთ, გასულ წელს მხოლოდ 40 ქულა მოაგროვეს და გასავარდნ ზონაში მყოფ გუნდს 7 ქულით აჯობეს.

გულშემატკივარმა კი ელერდაისის სტილი გააკრიტიკა, რასაც ფერგიუსონი არ ეთანხმება.

"ვესტ ჰემის" ქომაგებს შორის გავრცელებულია აზრი, რომ დიდი სემი არის მაშველი, რომელიც ფეხბურთელებს ბურთის მუდმივი ჩაწოდებისკენ მოუწოდებს."

"სიმართლე კი ის არის, რომ იგი საშუალო დონის ფეხბურთელებისგან შემდგარ გუნდს წვრთნიდა. ეს მენეჯმენტია. მან კი საუკეთესო შედეგი მიიღო."

წყარო: dailymail