სერ ალექს ფერგიუსონმა სიხარული გამოხატა გასულ წელს ვენგერის მიერ FA თასის მოპოვების გამო მაგრამ მას ეჭვი ეპარება, რომ არსენი მისი 26 წლიანი შედეგის მიღწევას შეძლებს.

არსენ ვენგერი პრემიერ-ლიგის მოქმედ მწვრთნელებს შორის ყველაზე დიდი ხანი უდგას ერთ გუნდს სათავეში - 18 წელიწადი.

"ის, რაც მე გავაკეთე ისტორიაში შევიდა. ვერ ნახავთ ვერც ერთ მწვრთნელს, რომელმაც 26 წლის განამვლობაში გაწვრთნა ერთი გუნდი. თუმცა, უნდა ვაღიარო, რომ "არსენალში" არსენ ვენგერის სამუშაო პატივისცემას იმსახურებს."

"მის მიერ თასის მოგება ყველას ახარებს. მე პირადად მსურდა, რომ სტივ ბრიუსს მოეგო, რადგან ის ერთ-ერთი ჩემი ფეხბურთელი გახლდათ. მაგრამ არსენის მიმართაც უნდა გრძნობდე განსაკუთრებულ გრძნობას, რადგან მას ცხრა წლის განმავლობაში არ მოუგია ტიტული." - წერს სერ ალექსი თავისი ავტობიოგრაფიული წიგნის დამატებით ნაწილში.

იმისათვის, რომ ვენგერმა ფერგიუსონის მიღწევა გაიმეოროს, "ემირეიტსზე" მინიმუმ 2023 წლამდე უნდა დარჩეს, რაც სერ ალექსის თქმით ნაკლებად სავარაუდოა.

"ვინ იტყვის, რომ არსენ ვენგერი ჩემ რეკორდს ვერ დაამხობს? მე ჩემი ეჭვი მაქვს, მაგრამ მას ბზარი გაუჩნდა."

ფერგიუსონისა და ვენგერის დაპირისპირება 16 წელს ითვლის. ამ ხნის განმავლობასში უამრავი ინციდენტი მომხდარა მათ შორის.

ერთ-ერთი მათგანი 2004 წელს მოხდა, როცა "იუნაიტედმა" "არსენალის" 49 მატჩიანი წაუგებელი სერია დაასრულა.

მას შემდეგ იყო პიცის სროლა გვირაბში, როცა ორივე გუნდის ფეხბურთელებსა და სამწვრთნელო შტაბს შორის უთანხმოება მოხდა.

თუმცა მოგვიანებით მან განაცხადა, რომ არ იცის ვინ ესროლა პიცა.

წყარო: dailymail