"მანჩესტერ იუნაიტედის" ხელმძღვანელობა იმედოვნებს, რომ ანხელ დი მარია "ჩელსისთან" გასამართი შეხვედრისთვის მწყობრში იქნება.

არგენტინელმა ვინგერმა ორშაბათს გამართული მატჩის მიმდინარეობისას ბარძაყის არეში ტკივილი იგრძნო, რაც საბოლოოდ გახდა მიზეზი 76-ე წუთზე შეცვლისა. დი მარია რამდენიმე დღეში გაივლის სკანირებას რის შემდეგაც უკვე დაზუსტებით გახდება ცნობილი შეეძლება თუ არა მას კვირას მოედანზე გასვლა.

26 წლის ანხელი ფანტასტიურ ფორმაშია მას შემდეგ რაც მან მადრიდი დატოვა, მის ანგარიშზე სამი გოლი და 4 საგოლე გადაცემაა, რომელთაგან 1 სწორედ "ვესტ ბრომთან" გააკეთა, როდესაც ზუსტი პასით მოამარაგა მარუან ფელაინი.

არგენტინელის ინდივიდუალური მაჩვენებლების მიუხედავად გუნდი უკვე 10 ქულით ჩამორჩება პრემიერ ლიგის ლიდერს, "ჩელსის".



რაც შეეხება ესპანელ ნახევარმცველს, მისი მდგომარეობა უფრო მძიმეა და სავარაუდოდ გამოტოვებს მატჩს ლონდონელთა წინააღმდეგ.

ანდერ ერერა მეორე ტაიმის დასაწყისშივე სათადარიგოთა სკამზე აღმოჩნდა მას შემდეგ, რაც მან იგრძნო ზურგის ტკივილი და შეგახსენებთ რომ მან ტრამვა "ვესტ ჰემთან" მატჩში მიიღო, თავდაპირველად იგი 6 კვირით გაგზავნეს ლაზარეთში, მაგრამ 3 კვირის შემდეგ ანდერმა ექიმებთან შეთანხმებით გადაწყვიტა რომ შეეძლო კლუბის დახმარება.

როგორც წინასამატჩო ინტერვიუებში იწერებოდა, 25 წლის ფეხბურთელი გამაყუჩებლით გავიდა მოედანზე, რამაც საბოლოოდ მაინც გამოიწვია დისკომფორტი და ტკივილი.

საბოლოო პასუხი შუა კვირაში გახდება ცნობილი. "იუნაიტედს" უკვე აქვს დიდი დანაკლისი უეინ რუნის სახით და ამ ორი წამყვანი მოთამაშის გამოკლებაც აშკარად დაეტყობა გუნდს.

წყარო: goal.com