ინგლისის ჩემპიონატის მე-8 ტურის დასკვნითი შეხვედრა "ჰაუტორნსზე" გაიმართა, სადაც ადგილობრივმა “ვესტ ბრომვიჩმა" "მანჩესტერ იუნაიტედი" მიიღო. მანჩესტერელებს ქულა ბლინდის ბოლო წუთებზე გატანილმა გოლმა მოუტანა. მასპინძლებმა მატჩი აქტიურად დაიწყეს და დებიუტშივე გახსნეს ანგარიში. უისდომმა მშვენივრად ითამაშა და კარგი გადაცემა გაუკეთა სტეფან სესენიონს, რომელმაც დიდებული გოლი გაუტანა დავიდ დე ხეას. გაშვებული გოლის შემდეგ სტუმრები გააქტიურდნენ, თუმცა პირველ ტაიმში გოლი აღარ გასულა.

მეორე ნახევარი "წითელმა ეშმაკებმა" აქტიურად დაიწყეს, რასაც შეცვლაზე შემოსული მარუან ფელაინის დიდებული გოლი მოჰყვა 48-ე წუთზე. ამის შემდეგ ვან გაალის შეგირდებმა კიდევ უფრო შეუტიეს, მაგრამ გოლი საკუთარ კარში მიიღეს. ბრანტმა შესანიშნავი გადაცემით ერთიერთზე დატოვა ბერაჰინო, რომელმაც დე ხეა მეორედ დაამწუხრა 66-ე წუთზე. დეილი ბლინდმა 87–ე წუთზე მოახერხა წონასწორობის აღდგენა და "იუნაიტედს" ქულა მოუტანა. ეს ჰოლანდიელის პირველი გატანილი გოლი გახლდათ "იუნაიტედის" მასურით.

"ვესტ ბრომვიჩი" – "მანჩესტერ იუნაიტედი" 2:2 (1:0)

გოლები: 1:0 სესენიონი (8), 1:1 ფელაინი (48), 2:1 ბერაჰინო (66), 2:2 ბლინდი (87).
გაფრთხილებები: მორისონი – ბლინდი, როხო
მსაჯი: მაიკლ დინი

"ვესტ ბრომვიჩი" (4-2-3-1): მაიჰილი, ლესკოტი, დოუსონი, პოცონიოლი, უისდომი, მორისონი, გარდნერი, ბრანტი, დორანსი, სესენიონი (მულუმბუ 86), ბერაჰინო.

მწვრთნელი: ალან ირვინი

"მანჩესტერ იუნაიტედი" (4-1-4-1): დე ხეა, როხო, ჯონსი, რაფაელი, შოუ, ბლინდი, ერერა (ფელაინი 46), მატა (ფალკაო 72), იანუზაი, დი მარია (იანგი 76), ვან პერსი.

მწვრთნელი: ლუი ვან გაალი