მარუან ფელაინის ლუი ვან გაალის გუნდისთვის მეტი გოლის გატანა სურს.

"ვესტ ბრომვიჩთან" გამართულ შეხვედრაში მარუან ფელაინიმ შესვენებაზე ანდერ ერერა შეცვალა და მოედანზე გამოსვლიდან 3 წუთში ანგარიშის გამათანაბრებელი გოლი გაიტანა.

"ეს სეზონში და "მანჩესტერ იუნაიტედის" რიგებში ჩემი პირველი გოლია, რაც რა თქმა უნდა კარგია. მაგრამ შედეგი იმედგაცრუბა იყო, რადგან ჩვენი მომდევნო ორი შეხვედრა ძალიან რთული იქნება. თავდაჯერებულობისთვის კი ეს შედეგი ცუდია."

პირველი ტაიმის მსვლელობისას ვან გაალი სათადარიგოთა სკამზე მარუან გარკვეულ მითითებებს აძლევდა.

"მან მითხრა, რომ მოწინააღმდეგეზე ზეწოლა უნდა მომეხდინა და საჯარიმოში შევსულიყავი. ეს გავაკეთე და გოლიც გავიტანე, რაც კარგია ჩემთვის და გუნდისთვის."

"დიდებული გრძნობაა. ამ მომენტს დიდი ხნის განმავლობაში ველოდებოდი და ახლა გავიტანე. დიდი იმედი მაქვს მიმდინარე სეზონში ისევ მოვახერხებ გოლის გატანას."

ფელაინი 2013 წელს "ევერტონიდან" გადავიდა "მანჩესტერ იუნაიტედში" და პირველ სეზონში ტრავმებისა თუ სხვადასხვა მიზეზის გამო ცუდ თამაშს აჩვენებდა. მწვრთნელი, რომელმაც იგი შეიძინა აპრილში დაითხოვეს და მის ნაცვლად ლუი ვან გაალი დანიშნეს.

"ძალიან რთული გახლდათ, მაგრამ ყოველ დღე ვმუშაობდი და ვიცოდი, რომ როცა 100 პროცენტით მწყობრში ჩავდგებოდი მე სახიფათო ვიქნებოდი."

"ფეხბურთი ასეთია - ხანდახან ცუდი პერიოდი გაქვს. მაგრამ გამოწვევისთვის და თითოეული შეხვედრისთვის მზად ვარ. აქ ბედნიერი ვარ და მწვრთნელმა მაჩვენა, რომ ჩემი სჯერა. ვარჯიშებზე ყოველდღიურად ვმუშაობ, რის შემდეგაც გადაწყვეტილებას მწვრთნელი იღებს."

წყარო: manutd.com