ზაჰამ ყოფილ კლუბში დაბრუნება ბოლო წუთზე გატანილი გოლით აღნიშნა, რომელმაც კრისტალ პალასს ქულა მოუტანა ნიუკასლთან დაპირისპირებაში. კრისტალ პალასის მთავარი მწვრთნელი დარწმუნებულია, რომ უილფრიდის შრომისმოყვარეობა შედეგს გამოიღებს. 21 წლის ინგლისელმა ბარნლისთან შეხვედრაში, რომელიც ნულოვანი ფრით დასრულდა, სასტარტო შემადგენლობაში დაიწყო და 68 წუთიც ჰქონდა თავის გამოსაჩენად. ამის შემდეგ ის 3 თამაში სათადარიგო სკამს მიაჯაჭვეს.

მისი "უსაქმურობა" ჩელსისთან თამაშისას დასრულდა, 69–ე წუთზე მთავარმა მწვრთნელმა თამაშში ჩართვის შანსი მისცა და ახალგაზრდა ვინგერმა ეს კარგად გამოიყენა. ძირითადი დროის ბოლო წუთზე მის ტექნიკურ თამაშს და გამჭოლ პასს კამბელის გოლი მოჰყვა, მაგრამ ამან მაინც ვერ იხსნა "კრისტალ პალასი" მარცხისგან.

"უილფრიდი 10 დღის განმავლობაში თავდაუზოგავად შრომობდა." განაცხადა უორნოკმა

"მან იცის თუ რას ვფიქრობ მასზე და იცის რას ვაპირებ მასთან ერთად. ის უფრო დისციპლინირებული გახდა, იცის როდის უნდა გააკეთოს ცრუ მოძრაობები და როდის არა.

ზაჰას კიდევ ბევრი აქვს სასწავლი. ის ადრეულ ეტაპზე მოხვდა უდიდეს გუნდში, სადაც არ ამახვილებენ ყურადღებას სათითაოდ ყველა მოთამაშეზე, მაგრამ სწორედ ეს არის ის რაც მას ჭირდება - ყურადღება და შესწორება"

"ახლა მისი დამოკიდებულება საქმისადმი არაჩვეულებრივია - ზოგიერთს ამაში ეჭვი ეპარება, მაგრამ ჩემთვის ეს არის უმაღლეს დონეზე"– დაასრულა უორნოკმა

წყარო: fourfourtwo.com