ლუი ვან გაალს სურს "მანჩესტერ იუნაიტედმა" "ვესტ ბრომვიჩთან" 90 წუთის განმავლობაში აჩვენოს საუკეთესო ფეხბურთი.

"იუნაიტედი" უქმეებზე გამართული შეხვედრების შემდეგ სატურნირო ცხრილში "ლივერპულსა" და "ვესტ ჰემს" ჩამორჩა, მაგრამ "ჰოტორნსზე" მოპოვებული გამარჯვება ლუი ვან გაალს ოთხეულში დააბრუნებს. ლუი ვან გაალმა განაცხადა, რომ "ევერტონთან" მატჩი მხოლოდ ადასტურებს ფაქტს, რომელიც "იუნაიტედს" თან სდევს - "წითლები" მატჩის უმეტეს ნაწილს მაღალ დონეზე ატარებენ, თუმცა უკანასკნელ წუთებში გუნდი სადავეებს ხელიდან უშვებს.

"თამაში, სტილი, ფორმაცია და ფილოსოფია - აი რა უნდა განისაჯოს და არა ქულები. ქულებს მაშინ მოვიპოვებთ, როცა კარგად ვთამაშობთ, თანაც არა 60, არამედ 90 წუთის განმავლობაში."

"მოთამაშეები ნაკრებებიდან ბრუნდებიან და ჩვენ შესაფასებლად შეგვიძლია "ევერტონთან" შეხვედრის უკანასკნელი ნახევარი საათი გამოვიყენოთ. ჩვენ უნდა ვიყოთ პროფესიონალები, უნდა შევაფასოთ მდგომარეობა და უნდა გავაუმჯობესოთ. საკუთარ შეცდომებზე უნდა ვისწავლოთ. ოთხეულში ყოფნა ფსიქოლოგიურად დამატებითი სარგებელი არ არის."

წყარო: manutd.com