"რეალ მადრიდის" მთავარი მწვრთვნელი, კარლო ანჩელოტი აცხადებს, რომ კრიშტიანო რონალდო ინგლისში არ დაბრუნდება და მეტიც, იგი კარიერას სანტიაგო ბერნაბეუზე დაასრულებს.

პორტუგალიელი სუპერვარსკვლავის დაბრუნება აქტუალური მას შემდეგ გახდა, რაც ზაფხულში პრესამ გაავრცელა ინფორმაცია, თითქოსდა რონალდო ესპანეთში ბედნიერი არ იყო. "იუნაიტედის" გულსშემატკივართა გარკვეულ ნაწილს მისი დაბრუნება მართლაც რომ ძალიან სურს და ამისათვის რონალდოს ერთ-ერთ თამაშში ვერტმფრენით ბანერი გამოუფინეს, სადაც დაბრუნებას სთხოვდნენ მას.

"ლივერპულთან" მატჩის წინ, კარლო ანჩელოტი მსგავს კომენტარს აკეთებს: "რონალდო კარიერის ბოლომდე აქ დარჩება. მე ასი პროცენტით დარწმუნებული ვარ, რომ მომდევნო სეზონში იგი "იუნაიტედში" არ გადავა - ასი პროცენტით! ის აქ ბედნიერია და ყველას უყვარს იგი. ახლა ჩვენი ურთიერთობა უნაკლოა და არამგონია რომ შეიცვალოს. რონალდო კარიერას აქ დაასრულებს."

ამასობაში თავად რონალდო სამშაბათს გასამართ მატჩისთვის ემზადება, რომელსაც "ენფილი" უმასპინძლებს. პორტუგალიელი კი მორიგი რეკორდის დამხობისთვის არის მზად. 29 წლის ვინგერმა ორი გოლის გატანა შეძლო "ლევანტესთან" მატჩში (5-0) და ახლა მისი მონაგარი 7 მატჩში 15 გოლი გახლავთ.

კარლო ანჩელოტი სხვა თემასაც შეეხო, და გაამხილა, რომ როდესაც იგი "მილანის" მთავარი მწვღთვნელი გახლდათ, სურდა სტივენ ჯერარდის გადაბირება, რადგან პირლოსთან ერთად შესანიშნავი ნახევარდაცვა შეექმნა.

"ის ერთ-ერთი ფეხბურთელია, რომელსაც მე დიდი სიამოვნებით გავწვთვნიდი. მისი ტრანსფერი შეუძლებელი გამოდგა, რადგან იგი ძალიან მყარად იყო ლივერპულში დამკვიდრებული. ჩვენ გვინდოდა მისი გადმოყვანა, მაგრამ ჯერარდის კავშირი "ლივერპულის" მიმართ გაუტეხელი გამოდგა." - დაასრულა ანჩელოტიმ.

წყარო: Mirror

დაასრულებს რონალდო კარიერას ბერნაბეუზე ?

კი

არა

ხმის მიცემა შედეგები