"მანჩესტერ იუნაიტედის" მთავარი მწვრთნელი ლუი ვან გაალი დიდი ხანია აკვირდება იტალიელ მარჯვენა მცველ მატეო დარმიანს. ჰოლანდიელ სპეციალისტს მისი იანვარში შეძენა აქვს გადაწყვეტილი.

ვან გაალი უკვე სერიოზულად ფიქრობს მარჯვენა მცველის დამატებაზე, იგი დიდი ხანია მოხიბლულია მატეოს თამაშით, რომელსაც ორივე ფლანგზე შეუძლია თამაში და ძალიან ნიჭიერიცაა.

"იუნაიტედი" ასევე დიდ ინტერესს იჩენს დანი ალვეშის მიმართ, რომელსაც გადაწყვეტილი აქვს კლუბის დატოვება, მაგრამ როგორც ჩანს ინგლისელმა გიგანტებმა უკეთესი ვარიანტი მოძებნეს ტორინოს მცველის სახით, რომელიც უფრო იაფიც დაუჯდებათ და უფრო პერსპექტიულიცაა.

სავარაუდოდ მატეო დარმიანის ტრანსფერი "მანჩესტერ იუნაიტედს" 15 მილიონი ფუნტი დაუჯდება.

24 წლის იტალიელი მცველი “ტორინოში” 2011 წლიდან თამაშობს, სადაც 101 მატჩი ჩაატარა და 1 გოლის გაიტანა მოახერხა. მატეოს პირველი პროფესიული კლუბი “მილანი” იყო, სადაც მან მხოლოდ 4 მატჩი ჩაატარა. მან იტალიის ეროვნულ ნაკრების მაისურის მორგება უკვე 8-ჯერ მოასწრო, 3-ჯერ ეს მან მსოფლიო ჩემპიონატზე გააკეთა.

წყარო: mirror.co.uk