მანჩესტერ იუნაიტედის ჰოლანდიელმა მწვრთნელმა ლუის ვან გაალმა განაცხადა, რომ ძირითად შემადგენლობაში ადგილის დასამკვიდრებლად ბრძოლაა საჭირო. მისი თქმით, არ აქვს მნიშვნელობა ფეხბურთელს, თუ იგი არ იმსახურებს ძირითადში თამაშს, მაშინ არ ითამაშებს.

"ვფიქრობ პედი მაქნაირმა ბოლო ორ მატჩში ყველაფერი შესანიშნავად გააკეთა და თავისი მოვალეობა პირნათლად შეასრულა" - განაცხადა ჰოლანდიელმა

" რა თქმა უნდა ფილ ჯონსი, ჯონი ევანსი და კრის სმოლინგი ამ დროისათვის არ არიან მწყობრში, მაგრამ მე ყოველთვის ვფიქრობ და ვაძლევ შანს ახალგაზრდებს, რათა ძირითადის ხალხი ჩაანაცვლონ."

" გარდა პედისა ჩვენ ძალიან ბევრი კარგი და პერსპექტიული ახალგაზრდა გვყავს. მათ შორის თავიდანვე მოვიხიბლე ბლეკეტითა და ჯესი ლინგარდით."

ბოლოს მან ასევე ტრავმირებულ ფეხბურთელებზეც ისაუბრა.

" რა თქმა უნდა, როდესაც ისეთი ფეხბურთელები, როგორებიც უეინ რუნი, მაიკლ კერიკი და ფილ ჯონსი, ტრავმირებულები არიან ეს დიდი დანაკლისია, მაგრამ ჩვენ მათ გარდა კიდევ ბევრი კარგი მოთამაშე გვყავს და ზოგჯერ რომელიმე ტრავმირებულზე უფრო კარგად ჩანაცვლებული ფეხბურთელი ირჯება ხოლმე."

"ჩემს გუნდში ყველამ იცის, რომ ადგილი გარანტირებული არავის არ აქვს. თუ ვარჯიშებზე თავს წარმოაჩენენ და თავიანთ მაქსიმუმს დამანახებენ ისინი აუცილებლად პირველ გუნდში ითამაშებენ. მათ ეს ყველაფერი იციან. ამ ყველაფრის დასტურად კი თუნდაც პედის მაგალითი შეგვიძლია მოვიყვანოთ" - დაასრულა ვან გაალმა

წყარო: manutd.com