ფიფას აგენტის, ფრანსუა გალიარდოს თქმით "ბარსელონას" მარჯვენა მცველი დანი ალვეში შემდეგ სეზონში "მანჩესტერ იუნაიტედის" მაისურით ითამაშებს. ესპანურ ტელეშოუ Neox-ში გამოსვლისას გალიარდომ განაცხადა, რომ "ბარსელონას" ბრაზილიელი ლეგიონერი დანი ალვეში შემდეგ სეზონში ინგლისის ყველაზე ტიტულოვან კლუბში გადაბარგდება ,
ბრაზილიელის აგენტმა ცოტა ხნის წინ განაცხადა, რომ მისი კლიენტი მის მომავალზე გადაწყვეტილებას დეკემბერში ან იანვარში მიიღებდა, მაგრამ გალიარდოს ინფორმაციით ალვეში სეზონის ბოლოს წითლების რიგებში ჩაირიცხება.
ოქტომბრის დასაწყისში ბრაზილიელმა განაცხადა , რომ მას სურდა ინგლისში ეთამაშა. ამის შემდეგ ინტერესი გამოხატეს "ჩელსიმ" და "ლივერპულმა". ალვეშის განცხადებით ეს მისი ბოლო სეზონია ესპანეთში და მას სურს, რომ რამოდენიმე სეზონი ფეხბურთის სამშობლოშიც გაატაროს.