ESPN-ი ბირმინგემულ კლუბში არსებულ თავის წყაროზე დაყრდნობით იტყობინება, რომ "ასტონ ვილას" კაპიტნის, რონი ვლაარის შეძენის შემთხვევაში "მანჩესტერ იუნაიტედს" 12 მილიონი ფუნტის გადახდა მოუწევს.
ვლაარი ლუი ვან გაალის ნაკრების ერთ-ერთი ლიდერი იყო, რომელმაც ბრაზილიის მსოფლიო ჩემპიონატზე ბრინჯაოს მედალი მოიპოვა.
საიდუმლოს არ წარმოადგენს ის ფაქტი, რომ "ვილა პარკის" მკვიდრთ ვლაარის შენარჩუნება სურთ და ამის მისაღწევად გაუმჯობესებულ კონტრაქტსაც სთავაზობენ, მაგრამ 29 წლის მცველი დათანხმებას არ ჩქარობს.
წყაროს ცნობით, "ასტონ ვილა" ლუი ვან გაალის ინტერესსაც განიხილავს, რომელიც სწორედ ვლაარს უკავშირდება.
მიმდინარე სეზონში "იუნაიტედმა" პატრის ევრა, რიო ფერდინანდი და ნემანია ვიდიჩი დაკარგა, რის გამოც დაცვის ცენტრში გამოცდილების ნაკლებობა შეინიშნება.