ენდი კოული გაკვირვებულია ანხელ დი მარიას საოცარი სტარტით "მანჩესტერ იუნაიტედში".

"წითლების" ყოფილმა თავდამსხმელმა გაიხსენა მისი მეწყვილე დუაით იორკი, რომელმაც არგენტინელის მსგავსად შესანიშნავად დაიწყო კარიერა "ოლდ ტრაფორდზე". ასევე მან განაცხადა, რომ ვინგერში გადახდილი 59.7 მილიონი ფუნტი გამართლებულია, რადგან მან შესანიშნავად მოახერხა "პრემიერ ლიგაში" ადაპტირება.

დი მარიამ შეძლო "მანჩესტერულ" კარიერაში მესამე გოლის გატანა "ევერტონის" წინააღმდეგ და მოიპოვა "იუნაიტედის" თვის საუკეთესო ფეხბურთელის წოდება.

"სიმართლე რომ ვთქვა, ერთადერთი ადამიანი რომელმაც ასე შესანიშნავად დაიწყო კარიერა "მანჩესტერ იუნაიტედში" დუაით იორკია." - განუცხადა კოულმა ManUtd.com-ს. "როგორც მახსოვს მან ორი გოლი გაიტანა სადებიუტო მატჩში და კიდევ ერთი გაიტანა შემდეგ მატჩში."

კოული დი მარიას მსგავსად 1995 წელს სარეკორდო თანხად იქნა შეძენილი, ამიტომ მას დაუსვეს კითხვა, ავლენს თუ არა ეს ფაქტი ფეხბურთელზე დიდ გავლენას.

"შენ ამ გამოწვევას იღებ, ეჩვევი და შემდეგ სიამოვნებას იღებ ამ ზეწოლით" - განაცხადა თავდამსხმელმა. "მან შესანიშნავად ითამაშა და ყველას იმედი ჩაუსახა. ასე ხდება როდესაც შენში ასეთ თანხას იხდიან, ყველა ელოდება რაღაც განსაკუთრებულს, სწორედ ამას აკეთებს ახლა ის."

"ვფიქრობ, როდესაც ისეთ დიდ გუნდში მოდიხარ, როგორიც "მანჩესტერ იუნაიტედია" ყოველთვის გრძნობ რაღაც წნეხს, თუმცა აქამდე ანხელი კიდევ ერთ შესანიშნავ კლუბში, "მადრიდის რეალში" თამაშობდა."

"ის მიჩვეულია იმას, რომ მას ყოველთვის აკვირდებიან კამერები, შეიძლება ითქვა მიკროსკოპებიც კი, თუმცა ამ სტარტის შემდეგ მას არანაირი პრობლემა არ ექნება, რადგან ის ნამდვილად შესანიშნავი ფეხბურთელია."

დი მარია შეუერთდა იმ ფეხბურთელების მცირე რიცხვს, რომელშიც ასტრონომიული თანხებია გადახდილი, კრიშტიანო რონალდოსა და გარეთ ბეილთან ერთად. თუმცა კოული თვლის, რომ ეს თანხა უკვე აღარ წარმოადგენს გარჩევის საგანს.

"მასში გადახდილი თანხა არ არის გადაჭარბებული" - დაამატა ინგლისის ნაკრების ყოფილმა წევრმა. "საოცარი რამ ასეთ ფეხბურთელებში არის ის, რომ ისინი ამ გამოწვევას პირდაპირ იღებენ. ისინი აკეთებენ იმას, რასაც მათგან მოითხოვენ. დი მარია ჯერ-ჯერობით საოცრად ასრულებს თავის სამუშაოს."

წყარო: ManUtd.com