რუნი ინგლისის კაპიტანია, კვირაში 300 ათასს შოულობს, მაგრამ გულით ისევ ქუჩის ფეხბურთელია. ის ჯერ კიდევ სიამოვნებით თამაშობს ლივერპულის ქუჩებში მეგობრებთან ერთად. უეინი მომდევნო თვეში ნაკრების მაისურით მეასე მატჩში მიიღებს მონაწილეობას, ის საფეხბურთო აკადემიაში 12 წლიდან დადის, მაგრამ თვლის, რომ აკადემიებზე მეტად მას ფეხბურთის სწავლაში ქუჩა დაეხმარა.

"ყოველთვის მჯეროდა, რომ ფეხბურთში ქუჩიდან მოვხვდი. მეგობრებთან ერთად იქ ხშირად ვთამაშობდი და ამას ჯერ კიდევ ვაკეთებ როცა დრო მაქვს. სწორედ აქ ვისწავლე თამაში. აკადემიაში მეხმარებოდნენ, მაგრამ ჩემი საფეხბურთო ცოდნის უმეტესი ნაწილი ქუჩიდან მოდის. ლივერპულში თავისუფალ დროს მივდივარ და მეგობრებთან ერთად ამას კიდევ სიამოვნებით ვაკეთებ.

ბავშვობაში ვერ წარმოვიდგენდი, რომ ოდესმე ნაკრებში 100 მატჩს ჩავატარებდი. იმასაც ვერ წარმოვიდგენდი, რომ ერთხელ მაინც ვითამაშებდი ამ მაისურით. აქ თამაში ჩემთვის პრივილეგიაა, ორი შეხვედრაც და ამ მიზანს მივაღწევ, მაგრამ გაჩერებას არ ვაპირებ. მინდა კიდევ ბევრ მატჩში მივიღო მონაწილეობა და გუნდს წარმატების მიღწევაში დავეხმარო."

უეინს ჰკითხეს, რას ეტყოდა 17 წლის რუნის დღეს.

"არ ვიცი რას ვეტყოდი. არაფერს ვნანობ, ფეხბურთში ყოველთვის იმას ვაკეთებდი რაც შემეძლო და კარიერაში მიღებულ არცერთ გადაწყვეტილებას ვნანობ." - დაასრულა რუნიმ.

წყარო: Mirror.co.uk