"სპორტინგის" ვარსკვლავი ვილიამ კარვალიო იმედოვნებს, რომ პრემიერ ლიგაში ან ლა ლიგაში ითამაშებს. ახალგაზრდა ნახევარმცველი ამბობს, რომ პორტუგალიაში ბედნიერია, მაგრამ მისი ამბიციები ბევრად უფრო დიდია. კარვალიომ გასულ სატრანსფერო ფანჯარაზე რამდენიმე ტოპ კლუბისგან მიიღო სატრანსფერო შეთავაზება. ამჟამად, მის მიმართ ინტერესს "მანჩესტერ იუნაიტედი" და "არსენალი" ინარჩუნებენ.
"ვერ ვიტყვი, რომ აქ დარჩენით იმედი გამიცრუვდა, მაგრამ მიუხედავად იმისა, რომ "სპორტინგში" ბედნიერი ვარ, ჩვენ ყველას გვაქვს ამბიციები და იმედი მაქვს, ერთ დღესაც მსოფლიოს საუკეთესო ლიგაში ვითამაშებ, ინგლისში ან ესპანეთში. ეს წელს არ გამოვიდა, მაგრამ თუ მუშაობას განვაგრძობ, მიზანს ადრე თუ გვიან მივაღწევ". - აცხადებს კარვალიო.
შეგახსენებთ, ზაფხულში "იუნაიტედის" შეთავაზება რამდენჯერმე უარით გაისტუმრა "სპორტინგმა". კლუბმა ვილიამს გაშვების უფლება არც სხვა კლუბებში მისცა. მიმდინარე სეზონში ჩატარებული 9 მატჩიდან მას ჯერ-ჯერობით არცერთი გოლი აქვს გატანილი.

წყარო: dailymail.co.uk