ერიკ კანტონას "პენსიაში გასვლის" შემდეგ, დევიდ ბექჰემი იყო ის, ვისაც ლეგენდარული 7 ნომერი შეხვდა. ამით იგი თავად ფრანგი ლეგენდის, ბრაიან რობსონისა და ჯორჯ ბესტის გვერდით დადგა.

როი კინი საკუთარ წიგნში წერს, რომ არ სურდა დევიდ ბექჰემს ეს მაისური, ან თუნდაც კაპიტნის სამკლაური ჰქონოდა. ""იუნაიტედში" 7 ნომერი ლეგენდარული მაისურია." წერს კინი. "როდესაც კანტონამ დაგვტოვა, დებატები გაიმართა, თუ ვინ იქნებოდა შემდეგი კაპიტანი. მე არ მანაღვლებდა კაპიტნის სამკლაური, თუმცა 7 ნომერიც თავისუფალი იყო."

"კანტონამდე ეს ნომერი ბრაიან რობსონს ჰქონდა, რომელსაც ჯორჯ ბესტისგან ისასხოვრა ლეგენდარული შვიდიანი. ფერგიუსონმა მე თავის ოფისში დამიბარა და მთხოვა, რომ შვიდ ნომრიანი მაისური მე მეტარებინა. მე ვუთხარი - არა. მე ეს არ მაინტერესებს. მან კი მითხრა: "მე ვიცი, რომ ბექჰემს ამ ნომრის ტარება მოუნდება, მაგრამ მე არ მინდა ეს ასე მოხდეს."

დევიდ ბექჰემს 6 წლის მანძილზე ეცვა აღნიშნული მაისური, მანამ სანამ "რეალს" შუერთდებოდა და ახალგაზრდა კრიშტიანო ჩაიბარებდა საპასუხისმგებლო ნომერს.

როის წიგნში, სადაც უამრავი სასაუბრო თემა წამოიჭრა, თავად კინი წერს, რომ იგი ნანობს ბოდიშის მოხდას ფერგიუსონის მიმართ, რომელიც სატელევიზიო ინტერვიუში მოიხადა ოლდ ტრაფორდის დატოვების შემდეგ.

გასულ წელს, ფერგიუსონის წიგნში ლეგენდარულმა შოტლანდიელმა მკაცრად გააკრიტიკა მისი გუნდის ყოფილი კაპიტანი და ახლა, როგორც ჩანს, როი საპასუხო ნაბიჯებს დგამს. დიახ, მან განაცხადა, რომ ნანობს ბოდიშის მოხდას, რომელიც მის ყოფილი თანაგუნდელების კრიტიკას ეხებოდა.

"ახლა ვფიქრობ, ნეტავ არ მომეხადა ბოდიში." წერს კინი. "საბოლოოდ მაინც არ ვიცი თუ რატომ მოვიქეცი ასე. მე უბრალოდ მინდოდა სწორად მოვქცეულიყავი."

სერ ალექსი აცხადებს, რომ როი კინმა საკუთარ ავტორიტეტს ზიანი მიაყენა საკუთარი თანაგუნდელების, რიო ფერდინანდის, დარენ ფლეტჩერის და ალან სმიტის გაკრიტიკების გამო. მაგრამ ირლანდიელი ჯიუტად აცხადებს, რომ მისი კრიტიკა დაუმსახურებელი არ ყოფილა.

წყარო: SkySPORTS