რადამელ ფალკაო მიიჩნევს, რომ "იუნაიტედმა" გარისკა, როცა ახლად ტრავმამოშუშებული ფეხბურთელი შეიძინა.
კოლუმბიელმა ფორვარდმა ჯვარედინი მყესების დაზიანების გამო ბრაზილიის მსოფლიო ჩემპიონატი გამოტოვა.
ფალკაოს მიაჩნია, რომ მისი ტრანსფერის დროს "იუნაიტედმა" დიდი რისკი გასწია, რადგან დანამდვილებით არავინ იცის ტრავმის შემდეგ დაუბრუნდება თუ არა კოლუმბიელი ჩვეულ ფორმას.
"მერჩივნა ამის შესახებ არ მესაუბრა. ეს უკვე წარსულია და მე მომავალში უნდა გავიხედო. მე მხოლოდ "მანჩესტერ იუნაიტედზე" ვფიქრობ. აქ ძალიან ბედნიერი ვარ."
"უამრავი საუბრები და სპეკულაციები ისმოდა ჩემი მისამართით, მაგრამ ერთადერთი გუნდი, რომელმაც სერიოზული რისკი გასწია "მანჩესტერ იუნაიტედი" იყო. ამას ძალიან ვაფასებ. მე მსოფლიოს ერთ-ერთ უდიდეს კლუბში ვიმყოფები."
"ჩემი მომავლის გეგმებსა და ფიქრებს რაც შეეხება, მინდა უახლოეს პერიოდში "მანჩესტერ იუნაიტედში" დავრჩე." - განაცხადა ფალკაომ.
"მანჩესტერ იუნაიტედში" გადასვლის შემდეგ ფალკაომ თავისი პირველი გოლი კვირას "ევერტონის" წინააღმდეგ გაიტანა.
მისი თქმით, ახალი ფეხბურთელისთვის ადვილი არ არის პრემიერ-ლიგასთან შეგუება, მაგრამ თავდაჯერებულობისა და უნარების ხარჯზე ყველაფერს გაუმკლავდება.
"ახალწვეულების მრავალრიცხოვნობა ადვილ ადაპტირებაში დამეხმარა. ზოგიერთი მათგანი მაშინ მოვიდა გუნდში, როცა პრემიერ-ლიგა დაწყებული იყო. მაგრამ ჩვენ ვპროგრესირებთ და უკეთ ვთამაშობთ."
"მე ჯერ კიდევ მჭირდება დრო იმისთვის, რომ თავი კარგად ვიგრძნო, თუმცა მოედანზე კომფორტულად და კარგად ვარ. ჰარმონიაში ვარ საკუთარ თავთან, ბურთთან და ფეხბურთთან."
"ის, რაც წლის დასაწყისში მოხდა ჩემზე დიდი გავლენის მქონე იყო, რაც ადამიანურ ზრდაში, ბევრ რამეზე დაფიქრებაში და დაფასებაში დამეხმარა." - დაამატა რადამელმა.