ბოლო პერიოდში პრესაში ხშირად იწერება, რომ ლუი ვან გაალი ხუან მატას თამაშით უკმაყოფილოა და ესპანელის გაშვებას აპირებს. ვან გაალის უკმაყოფილების სავაურდო მიზეზი გუშინ გამოქვეყნებულ სტატიაში განვიხილეთ. სტატიის მოკლე შინაარსი გულისხმობდა, რომ მატა ფიზიკური მონაცემების გამო ბურთის შენარჩუნებასა და შეტევის გაგრძელებას ვერ ახერხებდა, რასაც მუდმივად ერთვოდა თავისუფალი ზონის ძიების სურვილი, რის გამოც ნომინალურად გამწესებული "ათიანის" პოზიცია თავისუფალი რჩებოდა.

როცა ჟოზე მოურინიომ მატა "იუნაიტედს" მიჰყიდა, იმხანად გამოვიდა სებასტიან შაპიუსა და ჯეიმი ადამსის სტატიები, რომლებიც თავისი ანალიზის საფუძველზე ცდილობდნენ აეხსნათ, თუ რატომ გაყიდა მოურინიომ ორი სეზონის საუკეთესო ფეხბურთელი.

ქვემოთ მოცემულია მასალების ნაწილი:

სებასტიან შაპიუს სტატია: "განსაკუთრებული ხუანი (სიტყვათა თამაში: მოურინიოს ზედმეტსახელი Special One – Special Juan) ვერასდროს შევა "ძველი ფლეიმეიკერების" კატეგორიაში, რადგანაც მუდამ ცდილობს პასით ფორვარდი მოძებნოს. მოძებნოს ისე, რომ მოწინააღმდეგის თითოეული ზონა ერთი პასით გაჭრას. მიუხედავად ამისა, პერსონალური მეურვეობის შემთხვევაში მატა რეგულარულად ცდებოდა და პრობლემებს ქმნიდა - ბურთს ხშირად აბრუნებდა საკუთარი კარისკენ, რაც მოწინააღმდეგის წისქვილზე ასხამდა წყალს. ამან გაზარდა გადაადგილებები, რომელთა მიზანი პირადი მეურვისგან გათავისუფლება იყო. დროის მონაკვეთი, რომელიც კარისკენ ზურგით დგომისას პროცესში ბურთზე პირველ შეხებას სჭირდება, მოწინააღმდეგეს საშუალებას აძლევს თავის პოზიციებს დაუბრუნდეს ან მატა დაფაროს. პარადოქსია, რომ ხანდახან ესეც კი ვერ უშლიდა ხელს მატას თანაგუნდელის მოძებნაში, მიუხედავად იმისა, რომ ხშირად შეზღუდული სივრცე ჰქონდა."

სებასტიან შაპიუ - ფრანგია და ეს სტატია ფრანგულ ენაზე იქნა დაწერილი. ჯეიმი ადამმა ზემომოყვანილი ციტატა თავისი ენით გადმოსცა, რათა უფრო გასაგები ყოფილიყო:

"მოკლედ რომ ვთქვათ, სებასტიანის ციტატაში ნათქვამია: "მატას სისუსტე მდგომარეობს იმაში, რომ მას პირადი მეურვეობის დროს უჭირს და ცდილობს რაც შეიძლება მეტი სივრცე იპოვოს, რათა ზეწოლას გაექცეს. ამ სივრცეში გადასვლისთვის ბურთთან აუცილებელი შეხებები მოწინააღმდეგეს საშუალებას აძლევს საჭირო პოზიცია დაიჭიროს." მიუხედავად ამისა, ესპანელის სისუსტე სიძლიერეც არის. მატას აქვს თავისუფალი ზონების გამოყენების დიდებული პოტენციალი. პირველ რიგში - თამაშის წაკითხვის უნარის წყალობით. მეორე რიგში - აჩქარებებისა და გადაადგილებების დროსთან შესაბამისობით. მეორე ალბათ ფიზიკური შეზღუდულობისგან თავის დაღწევის სურვილია, რაც სისუსტეს სიძლიერედ აქცევს."

"გარდა ამისა, გუნდის საბაზო განლაგებაში მატას მაღლა დგომა უყვარს, რაც მას მაქსიმალურ შესაძლებლობებს ანიჭებს."

ჩვენ მიერ ნათქვამი მოიესის ხელმძღვანელობის დროს მხოლოდ ჰიპოთეზა იყო, რადგან შოტლანდიელი მატას ძირითადად ფლანგზე იყენებდა. ლუი ვან გაალის ხელმძღვანელობის ქვეშ ჩატარებული 4 მატჩი კი, რომელიც მატამ მისთვის საყვარელ "ათიანის" პოზიციაზე ითამაშა ზემოაღნიშნულს ჭეშმარიტებასთან მიახლოებულს ხდის.



სტატისტიკა გვიჩვენებს, რომ "ჩელსის" შემადგენლობაში მისი გოლებისა და საგოლე პასების მაჩვენებელი საოცარი იყო. როგორც უკვე აღვნიშნეთ, სისუსტე მდგომარეობს ფიზიკური ძალის არ ქონასა და შეზღუდულ სივრცეში ბურთით სწრაფად მობრუნებაში.

გამოდის, მატა საუკეთესო ფეხბურთს აჩვენებს მაშინ, როცა გადაადგილებისას აწვდიან პასს, რადგან ამ დროს მეტოქის მცველი მის უკან იმყოფება. ეს პრობლემისადმი მაღალინტელექტუალურ მიდგომაზე მიუთითებს.

მაგალითი 1

ამ შემთხვევაში ფლანგზე გახსნის შანსი არსებობს. მატა კი მცველის ზურგს უკან დგომას ამჯობინებს, სადაც მცველი მას ვერ ამჩნევს და მატას ფიზიკურ ორთაბრძოლაში შესვლა არ უწევს.



მაგალითი 2

ნაცვლად იმისა, რომ მარჯვნივ გადაადგილდეს და შეტევას ფლანგიდან დაუჭიროს მხარი...



... მატა მცველის ზურგს უკან გარბის და საკუთარ ვარიანტს მეკარესთან პირისპირ გასვლით სთავაზობს.



მაგალითი 3

მცველის ზურგს უკან გარბენი.





მაგალითი 4

ჭკვიანური განლაგება პოზიციაზე, სადაც მცველი მას ვერ ხედავს.

დააკვირდით, როგორ თამაშობს მატა მოწინააღმდეგის ზურგს უკან.



"ქპრ"-ს ერთი მცველის ზურგს უკან ჩარბენის შემდეგ, დგება პოზიციაზე, რომელშიც მეორე მცველისთვის უხილავი ხდება.



თავისუფალი სივრცის შერჩევის შედეგად მატა ბურთს იღებს და ურტყამს. სამწუხაროდ არაზუსტად.



დასკვნა

მატას მაქსიმალურად წარმატებული თამაშის პირობა:

უპირველეს ყოვლისა, მივცეთ მას მოწინააღმდეგის კართან ახლოს დგომის საშუალება, სადაც უფრო მეტ თავისუფალ ზონას იპოვის შეტევაში. ეს ხუანს საშუალებას მისცემს თავისი ჭკვიანური გახსნა გამოიყენოს მეტოქის ზურგს უკან.

მეორე რიგში, მატასთვის საუკეთესო ვარიანტია ერთი თავდამსხმელით თამაში, რაც მას გახსნის უფრო მეტ შესაძლებლობას აძლევს. ორი ფორვარდით თამაშისას თავდასხმა გადატვირთული ხდება და აღარ რჩება თავისუფალი სივრცე, რომელსაც მატა გამოიყენებდა. ამ მიზეზით, იგი საუკეთესო იყო, როცა "ჩელსი" 4-4-1-1 სქემით თამაშობდა.

შემოგთავაზებთ ასეთ ვარიანტსაც - ვან გაალის სისტემაში მატასთვის საუკეთესო პოზიცია ერთ-ერთი თავდამსხმელის როლი იქნებოდა. მას შეუძლია ისე ითამაშოს, როგორც რობენი თამაშობს. მართალია ისეთივე სისწრაფეს არ ფლობს, მაგრამ ამის კომპენსირებას პოზიციის ჭკვიანურად შერჩევის უნარით მოახდენს. ან სქემა უნდა შეიცვალოს 4-3-3-ით, სადაც მატა თავდამსხმელების უკან ითამაშებს.

ჯერ-ჯერობით კი დანამდვილებით შეგვიძლია ვთქვათ, რომ რუნი საუკეთესო ვარიანტია "ათიანის" პოზიციაზე, რადგანაც ის მშვენივრად ავსებს ზონას, რომელშიც უნდა იმყოფებოდეს. ეს კი "იუნაიტედის" ფეხბურთს უფრო მრავალვარიანტულს ხდის.













http://livelifeunited.com/