ანდერ ერერა აცხადება, რომ "მანჩესტერ იუნაიტედში" თავს ისე გრძნობს, როგორც ოჯახში.
ესპანელმა ნახევარმცველმა, რომელიც ამჟამად ნეკნის დაზიანების გამო თამაშს ვერ ახერხებს "იუნაიტედში" დაწყებული კარიერის საწყისი ეტაპი შესანიშნავად დაიწყო.
"იუნაიტედისადმი" მუდმივად სიმპათიებით ვიყავი განწყობილი. ვაცნობიერებდი, რომ ეს მსოფლიოს ერთ-ერთი საუკეთესო კლუბი იყო, რომელსაც ყველაზე მეტი მხარდამჭერი ჰყავს - ეს ფანტასტიურად მიმაჩნდა. აქ მოხვედრა ჩემი ოცნება იყო, მაგრამ დიდი შრომის გაწევა მომიწევს იმისთვის, რომ კლუბის მნიშვნელოვანი ფეხბურთელი გავხდე."
"მოვლენებით კმაყოფილი და ბედნიერი ვარ. ახლა უკეთ გავაცნობიერე კლუბის სიდიადე. ამერიკის ტურნეზე უამრავი ადამიანი მოდიოდა ჩვენ მხარდასაჭერად და ახლა, როცა "ოლდ ტრაფორდზე" ვთამაშობთ და ვხედავ რამდენი ადამიანი დადის ჩვენ საქომაგოდ, უფრო მეტად მესმის კლუბის დიდებულების."
"ფეხბურთელი დნმ მამაჩემისგან გადმომეცა. მისი უამრავი ვიდეო მინახავს - ის ჩემგან განსხვავდება. სიმართლე გითხრათ ის ჩემ საქმეს არ აკეთებდა. ის მარცხენა ფლანგზე თამაშობდა, ასე რომ, სხვა უნარები ჰქონდა. ძალიან ამაყი ვარ, რადგან ესპანეთის ჩემპიონატში მან 200-ზე მეტი შეხვედრა ჩაატარა."
"კარიერის დასრულების შემდეგ "რეალ სარაგოსაში" სკაუტად მუშაობდა. მასთან ერთად ბევრჯერ მიყურებია ფეხბურთისთვის და როცა გავიზარდე მსოლფიო საუკეთესო ფეხბურთელების შესახებ ვსაუბრობდით. ის ერთ-ერთი მიზეზია იმისა, რის გამოც ფეხბურთი მიყვარს." - განაცხადა ანდერ ერერამ.